Әһли Бејт -АБНА- хәбәр аҝентлијинин вердији хәбәрә әсасән режим дахлиндә ики нәһәнҝ груплашма үзә-үзә ҝәлиб. Режимдәки “Нахчыван кланы” Јераз груплашмасына саваш ачыб.
Бунун исә ҹидди сәбәбләри вар. Сәбәбләри охуҹулары диггәтинә чатдырмамышдан әввәл јада салаг ки, Јераз груплашмасы Азәрбајҹаны фәлакәтә салан Һејдәр Әлијевин дөврүндә ән ҝүҹлү клан һесаб едилирди. Режимин сабиг сәһијјә назири Әли Инсановун тимсалында ән нүфузлу тәмсичиләри мәһз бу кланын үзвләри иди. Һејдәр Әлијев дүнјасыны дәјишдикдән сонра исә Јераз груплашмасы күнҹә сыхышдырылмаға башлады. Әли Инсановун һәбси илә просес пик нөгтәјә чатды. Јераз груплашмасы сабиг сәһијјә назиринин һәбсиндән сонра хејли зәифләди вә фактики олараг режим дахилиндә сөз саһиблијини итирди.
Лакин 2013-ҹү ил президент сечкисилә бағлы режим дахилиндә вәзијјәтин ҝәрҝинләшмәси “Нахчыван кланы”нын јенидән бу груплашманын үзәринә јеримәсинә сәбәб олуб. Мәлуматларда дејилир ки, һазырда һакимијјәтдәки башга бир ҝүҹлү кланла - Пашајевләрлә мүбаризәдә олан “Нахчыван кланы” дүшүнүр ки, һансыса мәрһәләдә Јераз груплашмасындан зәрбә ала биләр. Бу бахымдан Јераз груплашмасыны даһа да зәифләдилмәсинә башланылыб. Мәлуматлара ҝөрә, јахын вахтларда бу калана бағлы олан мәмурларын бир чоху сырадан чыхарыла биләр. Просесә иҹра башчылары арасында Јераз груплашмасына дахил оланлардан башланылмасы нәзәрдә тутулур.
Диггәт: Хәбәрдән истифадә етдикдә мәнбәјә истинад лазымдыр
