Әһли Бејт -АБНА- хәбәр аҝентлијинин вердији хәбәрә әсасән Гәтәрдән Франсаја ҝәлмиш 3 Сәудијјә Әрәбистаны вәтәндашы нигабы чыхармагдан имтина етдикләринә ҝөрә өлкә әразисинә бурахылмајыб.
Һадисә Парисин Шарл де Голл адына һава лиманында баш вериб. Гадынлар ҝөмрүк полис әмәкдашынын нигабы чыхармаг хаһишинә рәдд ҹавабы верибләр вә нәтиҹәдә һава лиманындан бурахылмајыблар. Гадынлар Гәтәрә гајытмаг мәҹбуријјәтиндә галыблар.
Билдирәк ки, иҹтимаи јерләрдә антиБәшәр ганун олан “сифәти тамамилә бағлајан ҝејимлә бағлы гадаға” Авропада илк дәфә 2011-ҹи илдә Франсада гүввәјә миниб. Бу бәднам јенилијин тәшәббүскары кими Франсанын о заманкы президенти Николја Саркози чыхыш едиб.
Јени гануну позан шәхс 150 авро (216 доллар) мәбләғиндә ҹәримә олунур. Гадын гоһумлары тәрәфиндән үзүнү өртмәјә мәҹбур едилирсә, һәмин шәхсләри 30 мин авро мәбләғиндә ҹәримә, јахуд 1 иләдәк һәбс ҹәзасы ҝөзләјир. Мәҹбур едилән шәхс јеткинлик јашына чатмајыбса, ҹәримә 2 гат артырылыр.
Ганун мүсәлман даирәләриндә наразылыға сәбәб олуб. Франсада бунунла бағлы нүмајишләр кечирилиб.
2011-ҹи ил ијулун 23-дә исә, аналожи ганун Белчикада да гүввәјә миниб. Бу өлкәдә ганун позунтусуна јол верән шәхси 137,5 авро ҹәримә, јахуд 7 ҝүнәдәк һәбс ҹәзасы ҝөзләјир.
Диггәт: Хәбәрдән истифадә етдикдә мәнбәјә истинад лазымдыр
