Әһли Бејт -АБНА- хәбәр аҝентлијинин "Азадхебер.аз" сајтына истинадән вердији мәлумата ҝөрә, 6 мај 2011-ҹи илдә "Һиҹаба Азадлыг" аксијасында һәбс олунан Чинҝиз Новрузов дүнән саат 18:00-да Рамана гәсәбәсиндә јерләшән Әдлијјә назирлијинин 16 сајлы ҹәза чәкмә мүәссисәсиндән азадлыға бурахылыб.
-Һиҹаб мәһбусу олмағынла фәхр едирсәнми?
-Бәли, фәхр едирәм вә адла да фәхр һисси дујурам. Бундан сонра да мүбаризә апараҹағыг.
-Сиз һәбсханада олдуғунуз заман тәзјигләр олунубму?
-Хејир. Ичәридә вәзијјәтимиз чох јахшы иди. Бүтүн гардашларын һамысы јахшыдырлар вә һамысынын сизә саламы вар. Башда руһанимиз Һаҹы Тале олмагла. Фүрсәтдән истифадә едиб бир ил бир ај мүддәтиндә бизә ҝөрә нараһат олан вә әзијјәтимизи чәкән бүтүн баҹы-гардашларымыза тәшәккүрүмү билдирирәм. Бундан сонра да инанырыг ки, һиҹаба гојулмуш гадағаја ән азындан бу шәкилдә өз етиразларыны билдирәҹәкләр.
-Мәһбәс һәјатындан сонра өз һәјатыны неҹә давам етдирәҹәксән?
-Руһијјәмиз зиндана дүшмәмишдән әввәл бир идисә, инди бу руһијјә бирә јүз артды. Биз һәмишә Имам Һүсејнин (ә) мәктәбинин шаҝирдләри олмағымызла фәрәһ дујуруг. Бундан сонра нәинки һиҹаба гојулмуш гадаға, Исламын дәјәрләринин горунмасы үчүн малымыз вә ҹанымызла мүбаризә апармаға һазырыг.
-Мәһбәсдә олан диҝәр һиҹаб мәһбусларынын вәзијјәтләри неҹәдир?
-Чох јахшыдыр. Һәтта онлара охунан һөкмләрин мүддәти онлары һеч нараһат етмир. Онлар 15 ил вә һәтта өмүрлүк олса белә зинданда олмаға һазырдылар. Тәки һиҹаб мәсәләмиз һәлл олунсун.
-Зинданда һиҹаб мәһбуслары илә диҝәр мәһбуслар арасында мүнасибәт неҹә иди?
-Мүнасибәтләр чох ҝөзәл иди. Биз һиҹаб мәһбуслары кими зиндана ҝәтириләндә 10 нәфәр намаз гылан вар идисә, инди онларын сајы бир нечә дәфә чохалыб. Һәтта ҝүндәлик ҹамаат намазлары ики дәфә гылынырды. Ҹамаат намазы үчүн артыг јер тапмаг олмурду. Һәтта диҝәр маддәләрлә һәбс олунан мәһбуслар дејирдиләр ки, каш биз дә сизин кими һиҹаб уғрунда һәбс олнардыг.
-Сон олараг нәји гејд етмәк истәјирсиниз?
-Бүтүн гардашлара вә баҹылара сөзүм будур ки, зиндан һеч дә горхулу дејил. Инсан вар азадлыгда зиндандадыр, инсан вар зинданда азадлыгдадыр. Нә гәдәр ки, һиҹаб гадағасы һәлл олунмајыб биз јенә дә етираз едиб зиндана дүшмәјә һазырыг.
Диггәт: Хәбәрдән истифадә етдикдә мәнбәјә истинад лазымдыр
