Әһли Бејт -АБНА- хәбәр аҝентлијинин вердији хәбәрә әсасән Мисирин нүфузлу руһаниләриндән бири сајылан “Шејх Сифвәт Һиҹази” бәјан едиб ки, әҝәр Мисирин президент сечкиләриндә “Ихванул Муслимин” тәрәфиндән намизәд олан Муһәммәд Мурси президентлијә уғур газанарса артыг Мисирин пајтахды Гаһирә дејил “Бејтул Мүгәддәс” олаҹаг.
Шејх Сифвәт Һиҹази Мисирин “Анас ТВ” каналындан видео јајымда етдији чыхышында дејиб: Сечкиләрдә Мурсинин гәләбә газандығы тәгдирдә Мүсәлманларын пајтахды артыг Гаһирә, Мәккә ја Мәдинә олмајаҹаг. Бизим бир шуарымыз олаҹаг: “Бејтул Мүгәддәс Бизим Пјтахт олаҹаг, Милјонларла Шәһид Она Гурбан Олаҹаг”
Шејх чыхышынын давамында дејб: “Мурси Гәззә Золағын азад едәҹәк. Биз Бејтул Мүгәддәсдә ја намаз гылаҹағыг ја да орада шәһид олаҹағыг”.
Гејд едәк ки, Мисирдә халг күтләсинин Исламчы намизәдләрдән белә һимјәт етмәси илә јанашы сионист режими дә ҝизлин вә ашкар сүрәтдә кечмиш ганичән режим галыгларынын јени һакимијјәт башына ҝәлмәси үчүн әлиндән ҝәләни әсирҝәмир.
P.S. Аллаһ Ислам Дүшмәнләрин бир-бири илә мәшғул етсин. Амин!
Диггәт: Хәбәрдән истифадә етдикдә мәнбәјә истинад лазымдыр
