Әһли Бејт -АБНА- хәбәр аҝентлијинин вердији хәбәрә әсасән Русија президенти Владимир Путин президент јанында милләтләрарасы мүнасибәтләр шурасынын јарадылмасы һагда сәрәҹам имзалајыб. Сәрәҹама ҝөрә Шура дөвләт вә һөкумәт органлары, јерли идарәетмә структурлары илә Русијада јашајан милли мухтаријјатларын мүнасибәтләринин тәнзимләнмәси мәгсәди илә јарадылыб.
Русијада аз гала ики милјон азәрбајҹанлынын јашајыб ишләмәсини нәзәрә алсаг принсипҹә азәрбајҹанлылардан да бир нәфәрин шурада тәмсил олунаҹағыны еһтимал етмәк мүмкүн иди.
Бир јандан да Русијаны аз гала бөјүк гардаш һесаб едән Азәрбајҹан игтидарынын дәм вурдуғу уғурлу хариҹи сијасәт вә диаспора гуруҹулуғу барәдә һај-күјләри дә белә демәјә әсас верирди.
Амма Путин азәрбајҹанлылары бу шурадан кәнарда гојду. О бојда диаспора гурумларындан, Русијада јашајан бир нәфәр азәрбајҹанлыдан белә шураја тәгдим етмәди.
Амма шурада тәмсил олунанлар арасында Үмумрусија Ермәни Иттифагынын президенти Ара Абрамјанын да ады вар. Һәлә гарачыларын диаспора тәшкилатындан олан нүмајәндәсини демирик.
Диггәт: Хәбәрдән истифадә етдикдә мәнбәјә истинад лазымдыр
