Әһли Бејт -АБНА- хәбәр аҝентлијинин вердији хәбәрә әсасән Ливан Һизбуллаһынын баш катиби Иран Ислам Республикасынын баниси Имам Хомејнинин (р) шәхси сәҹијјәләрини јүксәк гијмәтләндирәрәк, реҝион халгларынын ојанышында о һәзрәтин конструктив вә әвәзолунмаз ролуна тәкид едиб.
Ливан Һизбуллаһынын баш катиби Сејид Һәсән Нәсрулла Иран Ислам Республикасынын мемары Имам Хомејнинин (р) вәфатынын 23-ҹү илдөнүмү мүнасибәти илә етдији чыхышында дејиб: Бир ҝүн ҝәләҹәк о һәзрәтин реҝиондакы дәјишикликләр вә әрәб өлкәләриндәки халг ингилабларындакы мүһүм ролу һамы үчүн ајдын олаҹаг.
Сејид Һәсән Нәсрулла Бејрутда ҹанлы олараг јајымланан видео-конфрансда Имам Хомејнини(р.ә) ҝөркәмли руһани, алим, философ , ариф вә мүтәфәккир адландырыб вә дејиб: О һәзрәт сон дәрәҹә јүксәк вә али сәҹијјәләрә малик иди вә өлкәнин еһтијаҹлары илә бағлы ајдын дүшүнҹә илә өзүнәмәхсус рәһбәрлик вә идарәетмә илә Ислам Ингилабынын гәләбә чалмасындан сонра Ираны гуруҹулуг вә абадлыг јолунда инкишафа сөвг етдирди.
Ливан Һизбуллаһынын баш катиби әлавә едиб: Имам Хомејни (р) Ислам Республикасына гаршы јөнәлмиш һәрәкәтләрә вә Ирана гәбул етдирилмиш 8 иллик мүһарибәјә рәғмән һеч вахт Фәләстин мәсәләсиндән ҝери чәкилмәди вә ваз кечмәди.
Сејид Һәсән Нәсрулла һәмчинин деди: Фәләстин торпагларынын сионист режимин ишғалы алтында олдуғу бир шәраитдә бүтүн халглар вә дөвләтләр ишғал едилмиш әразиләрин азадлығы уғрунда мүбаризә апармаға борҹлудурлар.
Ливан Һизбуллаһынын баш катиби фәләстинли шәһидләрин ҹәназәләринин Исраил режими тәрәфиндән Фәләстинә тәһвил верилмәсинә ишарә едәрәк, дејиб: Фәләстинли шәһидләрин ҹәназәләринин бу режим гәбирстаныгларында сахланылмасы сионист дүшмәнин вәһшилијә вә дүшмәнчилијә әсасланан маһијјәтиндән хәбәр верир.
Сејид Һәсән Нәсрулла сонда дејиб: Һәлә дә минләрлә фәләстинли әсир сионист режим зинданларында әсирдир вә јүзләрлә фәләстинли шәһидин ҹәназәси бу режимин гәбиристанлыгларында дәфн олунуб.
Ливан Һизбуллаһынын баш катиби сионист дүшмән илә дөјүшүн баша чатмадығыны дејәрәк, вурғулајыб: Һәлә дә Фәләстин Исраилин ишғалы алтындадыр вә Фәләстин халгы һәлә дә дидәрҝинликдән әзијјәт чәкир.(ТР)
Диггәт: Хәбәрдән истифадә етдикдә мәнбәјә истинад лазымдыр
