Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын "Israeli Aerospace Industries" (IАI) консерниндән силаһ алмасы, сонунҹуну сатыш базарынын кәскин азалмасы нәтиҹәсиндә јаранмыш бөјүк зијандан хилас едиб.
SalamNews-un IzRus-а истинадән вердији хәбәрә ҝөрә, Азәрбајҹан Мүдафиә Назирлији илә "Israeli Aerospace Industries" (IАI) консерни арасында 2012-ҹи илин әввәлиндә бағланмыш 1,6 милјард доллар дәјәриндә һәрби мәһсулун алынмасы үзрә сазиш, Исраил истеһсалчысыны ҹидди малијјә чәтинликләриндән хилас едиб. Ҹари илин биринҹи рүбүндә IАI-нин тәмиз ҝәлири 54 милјон доллар тәшкил етмәклә, 2011-ҹи илин аналожи мүддәти илә мүгајисәдә 16% артыб.
Мәлумата әсәсән, дүнјанын авиасија сәнајеси игтисади бөһран сәбәбиндән уғурсузлуға мәруз галыр. Гәрб өлкәләри һәм һәрби, һәм дә диҝәр аваданлығы даһа аз алыр. IАI-да гејд едилир ки, авиаширкәтләр тәрәфиндән алынан кичик мүлки тәјјарәләр үчүн мүһәррикләрин истеһсалына еһтијаҹ чох азалыб.
IzRus порталынын вердији хәбәрә ҝөрә, IАI вә Азәрбајҹан арасында разылашманын бағланмасы февралда мәлум олуб. Сөһбәт пилотсуз учуш апаратларынын (ПУА) вә ән јени ҺҺМ системләринин ихраҹындан ҝедир. Һәмчинин Исраил мүтәхәссисләринин јерли һәмкарларына јени системләрлә бағлы тәлимләр кечмәк үчүн Азәрбајҹана ҝәлмәси барәдә дә разылыға ҝәлиниб.
2011-ҹи илин декабрында Азәрбајҹан мүдафиә сәнајеси назири Јавәр Ҹамалов билдириб ки, онун идарәси 2012-ҹи илдә ПУА "Аеростар" вә "Орбитер-2М"ин истеһсалыны низамламаг нијјәтиндәдир. Онларын истеһсалы илә "Baku's Azad Systems Co" мәшғул олаҹаг. Ҹари илдә 60 ПУА истеһсал олунмасы нәзәрдә тутулуб.
Диггәт: Хәбәрдән истифадә етдикдә мәнбәјә истинад лазымдыр
