Әһли Бејт -АБНА- хәбәр аҝентлијинин вердији хәбәрә әсасән Ислам Ингилабынын Бөјүк Рәһбәри Имам Хаменеји ҹәнабларынын бејнәлхалг мәсәләләр үзрә мүшавири Доктор Әли Әкбәр Вилајәти дејиб: Иран Ислам Республикасы олараг һеч бир өлкәнин, о ҹүмләдән Азәрбајҹанын дахили мәсәләләриндә мүдахиләмиз јохдур. Лакин, Азәрбајҹанын мәзлум халгынын сәси әҝәр Иранда әкс олунурса вә Иран халгы реаксија верирсә, бу там тәбиидир.
Имам Хаменеји ҹәнабларынын мүшавири Меһр Информасија Аҝентлији илә мүсаһибәдә Азәрбајҹанда Ислам дини вә шиәлијә гаршы баш верән һөрмәтсизликләр барәсиндә дејиб: Иран вә Азәрбајҹан халгларынын мүштәрәк дин, мәзһәб, тарих вә мәдәни ортаглыглары вардыр вә һеч вахт бир-бирләриндән ајрылмајаҹаглар.
Әли Әкбәр Вилајәти сөјләјиб: Һәтта сабиг ССРИ-дә коммунистләрин һакимијјәти дөврүндә белә, ики өлкә халгларынын үрәкләри бир-биринин кәнарында олмушдур.
"Һазырда да беләдир вә Азәрбајҹанда баш верән һәр бир анти-дини һәрәкәт Азәрбајҹанда әһалинин бөјүк һиссәсини тәшкил едән мүсәлманларын истәјинин әксинәдир вә бу онлара гәбул етдирилиб" –дејә Вилајәти сөјләјиб.
Ислами Ојаныш Ассамблејаынын катиби хатырладыб: Азәрбајҹанда анти-Ислам һәрәкәтләрин давам етмәјәҹәјини прогноз едирик. Һазырда бәзи ишләрин ҝөрүлмәси мүмкүндүр. Лакин ислам өлкәләриндә һакимијјәтдә олан шәхсләрин тәҹрүбәләринә әсасән, Ислам, мүсәлман өлкәләрдә халгын руһуна көк атмышдыр.
Бу ибрәт дәрсинин Ислам өлкәләриндә һөкумәт едән бүтүн шәхсләр үчүн баш вермәли олдуғуна тохунан Әли Әкбәр Вилајәти хатырладыб: Анти-дини һәрәкәтләрлә халгы Исламдан вә Исламы халгдан ајырмаг олмаз.
Вилајәтинин дедији кими, "биз Иран Ислам Республикасы олараг һеч бир өлкәнин, о ҹүмләдән Азәрбајҹанын дахили мәсәләләринә мүдахилә етмирик. Лакин әҝәр Азәрбајҹанын мәзлум халгынын сәси Иранда әкс олунурса вә Иран халгы реаксија верирсә, тамамилә тәбиидир".
"Ејни һалда үмидварыг ки, Азәрбајҹан һөкумәти ики өлкә арасындакы мөвҹуд манеәләрин арадан галдырылмасы истигамәтиндә өз сәјини ҝөстәрәҹәк вә дөвләтләр арасындакы мүнасибәтләрин инкишафы истигамәтиндә өз халгынын истәјинә диггәт јетирәҹәк" –дејә Вилајәти хатырладыб.
Диггәт: Хәбәрдән истифадә етдикдә мәнбәјә истинад лазымдыр
