Салам һәмдинимиз
Каш бизим буҝүнкү мәктубумуз ајры бир мәзмун дашыјајды. Каш мәктубун башланғыҹынын тәәссүф вә ағырлығы јерини разылыг вә мараг башланғыҹына верәјди. Биз демирик, сиз дејин. Өлкәси өлкәмизин гоншусу, дини Мүһәммәдимизин (с) дини, мәзһәби әһли-бејтимизин (ә) мәзһәби олан бир гардаш өлкәнин аҝаһлығынын тәнгиди үчүн гәләм ҝөтүрмәк ағыр дејилми? Олмазды ки, өлкәләримиз Мүһәммәдин (с) дининин тәрвиҹи јолунда бирҝә аддым атајдылар? Амма инди, сән өзүн де, өлкән һансы дини тәрвиҹ едир вә һансы марагла Мүһәммәдин (с) Ислам дининдән үз дөндәриб? Биз өзүмүздән сорушуруг: нә үчүн өлкәниз республика адыны өзүндә дашыјыр? Гој, бу суалы өлкәмиз Иран сәндән сорушсун ки, өлкәнизин башы нәјә гарышыб ки, әзәмәтли ојанышы ҝөрмүр? Гој, һәмишә хејирхаһын олмуш Иранымыз һансы програм вә мәгсәдләр ардынҹа олмағыны сәнә десин. Иранымыза бах! Бу өз мәгсәдләрини горумаг уғрунда 8 ил бир јох, ики јох, демәк олар ки, бүтүн дүнјанын гаршысында дајанан Ирандыр. Вә сән нәдән гачырсан вә һансы һаггы халгындан алырсан? Мүһәммәд (с) Мәккәјә дахил оларкән Һиндәнин горхдуғу вахт Әбу Сүфјанын она ҹавабыны сөзсүз, ешитмисән, амма јәгин ки, јадындан чыхыб: "Мүһәммәд үрәкләрдән ҝәлир, гапылардан јох". Мәзһәби мәрасимләрин иҹрасынын гадағасы, һиҹаб гадағасы, азғынлыг вә һәјасызлығын, спиртли ичкиләрә гуршанманын тәрвиҹи, мәзһәби фәаллары сыхышдырмаг һамысы сәнин дөвләтинин ишләридир. Сәнсән ки, өлкән дүнјанын икинҹи шиә өлкәси ләгәбини дашыјыр. Сән өзүн мүтләг билирсән, амма биз баша дүшә билмирик ки, нә үчүн белә пуч бир һәдәфин ардынҹа тәләсик ҝедирсән? Иҹазә вер, дөвләтсиз милләт адыны биз сәнә верәк. Етираз дилимизи ачырыг. Чүнки ҝөрүрүк ки, Иранымыз гаршысында олан бүтүн манеәләрә, һәр ҝүн бизим раһатлыг вә фираванлығымыза чалышыр, амма сән халгынын раһатлығыны әлиндән алыб, хараб едирсән. Исраил вә онун кимиләрин газдығы чалаја елә дүшмүсән ки, халгыны јаддан чыхармысан. Сән дөвләтә хитаб едәрәк дејирик: Јадына сал ки, мүсәлмансан. Әҝәр дининә бағлы олмасан да, бил ки, мүсәлман бир халгын хидмәтиндәсән. Галх, проблемләрини һәлл ет. Һеч кәс Исраилин әлиндә васитә олмагла Аллаһа чатмајыб ки, сән икинҹиси оласан. Билмирик, санки јухуда дејилсән, бәлкә өзүнү јухуја вурмусан. Өзүнү јатмышлыға вурмуш шәхсин ојанмасына үмид јохдур. Каш "Кристал зал"ы тикмәк үчүн бир јуваны дағыданда өз-өзүнә дејәјдин: мәним өлкәмдә һәлә 1 милјондан артыг мүһарибә гачгыны вар. Каш, белә бир биабырчы мәгсәд үчүн кәрпиҹ һөрдүјүн вә касыб мәһәлләләрин евләрини милләтинин вә милләтимин дүшмәнләринин абры үчүн виран етдијин вахт өз-өзүнә дејәјдин: халгымын үчдә бири јохсуллуг үзүндән өлкәни тәрк едиб, башга өлкәләрдә ашаға дәрәҹәли вәтәндаш кими өмүрләрини сүрүрләр. Биз ҹаваб истәјирик, де: Һаҹы Мөвсүм Сәмәдов кимиләр, онун јахын көмәкчиләри вә бир нечә алим зинданда олдуғундан сән халгын етираз сәсини ешитмирсән вә ешитмәјә гојмајаҹагсан? Каш јалныз бир дәфә, бир дәфә "Бакы Милли Нефт Сәнајеси" ибарәтини өз-өзлүјүндә тәкрар едирдин. Бәлкә, онда милли сөзүнүн милләтинә гајытмасыны анлајардын. Бәли, милләтинә гајыдыр. Каш нефтин ҝәлирини "Еуровисион" мүсабигәсинә хәрҹләдијин вахт өз-өзүндән сорушајдын: бәс халгымын һаггы һарада ҝизләнибдир? Ола билсин ки, рүсвајчы мүсабигәндә иштирак етмәјә ҝәлмәјән гонагларын гәбулу етираз фәрјадларыны ешитмәјә гојмур. Амма бундан да ајдын бир мәнзәрә ола биләҹәјини ҝүман етмирәм. Бир хаһишим вар. О да будур ки, мәнә дејәсән, сән дүнјаны неҹә изләјирсән ки, белә әмәл едирсән? Халгынын бир һиссәси гачгын, бөјүк әксәријјәти јохсул, торпағын вә вәтәнинин бир һиссәси ермәни ишғалында. Ҝүлүнҹ дејил ки, сән ҝөз вә гулағыны реаллыгдан өртмүсән вә Исраилин чиркин мәгсәдинин иҹрасы үчүн рам олмуш гула дөнмүсән? Бизә де: сән кимдән тәһлүкәсизлијини горумағы истәјирсән? Исраилдән? Сәнинләјәм, сәнинлә дөвләт, де: ислами торпагларын ермәни чәнҝиндә олдуғу бир һалда сән ҝеҹәләри неҹә раһат јатырсан? Каш гонаглыг мәрасиминә чәкдијин хәрҹләрә ҝөрә газандығын рекорду вә бу хәрҹләрә ҝөрә дүнјада биринҹи олмағыны вә ҝүман едирәм ки, биринҹи дә галаҹагсан, өз халгына вә торпагларынын гајтарылмасына хәрҹләнәјди. Сән нә едирсән? Бир тәрәфдән халгынын ибадәт мәканлары, мәсҹидләр, ермәниләрин төвләсинә чеврилиб, бир тәрәфдән дә һомосексуаллрын парадыны кечирмәклә шөһрәт газанмаг истәјирсән. Ајыл, гара сохдуғун башыны чыхар вә бах, Исраилин достларыны ҝөр. Бәли, Сәддамы, Мүбарәки, Гәззафини. Сән бунларын сајынын артмасына имкан вермә. Биз олаҹағы шәрһ етдик. Истәјирсән нәсиһәт ҝөтүр, ја өзүнү ешитмәмәзлијә вур.
Диггәт: Хәбәрдән истифадә етдикдә мәнбәјә истинад лазымдыр
