Әһли Бејт -АБНА- хәбәр аҝентлијинин вердији хәбәрә әсасән Инсан Һүгуглары вә Азадлыглары (ИҺА) Һуманитар Јардым Вәгфи “Мави Мәрмәрә” ҝәмисинә һүҹумун 2-ҹи илдөнүмүндә Түркијәдә мүхтәлиф тәдбирләр тәшкил едиб.
Тәдбирләр чәрчивәсиндә бу ҝүн ахшам Истанбулун Таксим Мејданында "Мави Мәрмәрә" вә Азад Гүдс" јүрүшү дә тәшкил олунаҹаг.
“Мави Мәрмәрә” ҝәмисиндә тәшкил олунан тәдбирдә Фәләстинин азадлығы уғрунда мүбаризәни давам етдирәҹәкләрини гејд едән ИҺА сәдри Бүлент Јылдырым, Исраилә гаршы бүтүн Анадолуда рәсм сәрҝиләри, аксијалар, иҹласлар кечирилдијини билдириб. Чыхышында Исраилә сәсләнән Јылдырым дејиб: "Бизимлә чох мүбаризә етдиниз, бизи горхудаҹағынызы дүшүндүнүз. Бизим Фәләстинин азадлыға говушмасындан савајы бир арзумуз јохдур. Әсла горхмадыг, ифтираларыныздан чәкинмәдик. Нә едирсиниз един, “Мави Мәрмәрә” јолуна гурудан давам едир. Тунисдә, Ливијада, Суријада јолуна давам едир. Әмин олун: Әл-Әгса мәсҹидиндә намаз гылаҹағыг. Буна әмин олун. Исраил Мисири итирди, амма ән ваҹиби, “Мави Мәрмәрә” һадисәсиндән сонра Түркијәни итириб”.
Диггәт: Хәбәрдән истифадә етдикдә мәнбәјә истинад лазымдыр
