Әһли Бејт -АБНА- хәбәр аҝентлијинин вердији хәбәрә әсасән Мајын 25-дә Дүнја Мүсәлманларынын Дини Лидеринин Тәбриздәки нүмајәндәси, Тәбризин Имам Ҹүмәси, Ајәтуллаһ Мөһсүн Мүҹтәһид Шәбүстәри ҹүмә хүтбәләриндә Азәрбајҹанда кечирилән бәднам “Авровизија 2012” фәсад јарышындан сөз ачыб.
Ајәтуллаһ Шәбүстәри Ҹүмә Намазында чыхыш едәркән Шиәләрин даим фәсадла мүбаризә апармасына ишарә едәрәк дејиб: “Азәрбајҹан Республикасында “Авровизија” маһны јарышмасы илә бәрабәр кечирилмәси нәзәрдә тутулан ҝеј-парад Тәбриз әһалисинин етиразлары вә кечирдији јүрүшләр нәтиҹәсиндә, һәмчинин Иран Ислам Республикасындакы дин хадимләринин вә Ислам Республикасынын рәсми даирәләринин хәбәрдарлығы илә ләғв едилиб”.
Диггәт: Хәбәрдән истифадә етдикдә мәнбәјә истинад лазымдыр
