Әһли Бејт -АБНА- хәбәр аҝентлијинин вердији хәбәрә әсасән Мајын 25-дә Теһранын Имам Ҹүмәси Ајәтуллаһ Әһмәд Хатәми ҹәнаблары Азәрбајҹана һаким кәсилмиш аиләни һәдәләди.
Ајәтуллаһ Әһмәд Хатәми дејиб ҹүмә намазларынын хүтбәсиндә глобал мәсәләләрә ишарә едәрәк Азәрбајҹанда баш верән анти-Ислам сијасәтләри писләди. О, хүтбәсинин давамында әлијевләр командасынын төрәтдији ҹинајәтләри ачыглајараг деди: “Азәрбајҹан һөкумәти анти-Ислам һәрәкәтләрини дајандырмалыдыр. Сон вахтлар бу өлкәдән динә вә һиҹаба зидд олан һәрәкәтләрлә бағлы хошаҝәлмәз хәбәрләр ҝәлиб чатыр. Өлкәдәки сәфирлијимиз гаршысында рәзил һәрәкәтләр едилир. Биз бөјүк бир өлкә олараг бу өлкәјә нәсиһәт едирик ки, Исламла үз-үзә ҝәлмәсин. Һәр кәс исламла үз-үзә ҝәлибсә мәһв олуб.
Азәрбајҹанын дүнјанын икинҹи шиә өлкәси олдуғуну нәзәрә алараг Азәрбајҹан һөкмранларына дејирик ки, әҝәр индики просеси давам етдирсәниз, габагда сизи Бен Әлинин (Тунисин сабиг диктатору – ред.) талеји ҝөзләјәҹәк. О, халгын дини илә үз-үзә дурдуғуна ҝөрә деврилди. Әҝәр бу јолу ҝетмәк истәјирсинизсә, бујурун. Лакин билин ки, сүгута уғрајаҹагсыныз”.
Диггәт: Хәбәрдән истифадә етдикдә мәнбәјә истинад лазымдыр
