Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын дөвләт даирәләринин ҝөзләдикләринин әксинә олараг, дәвәт олунанларын вә медианын лагејдлији илә үзләшмиш "Еуровисион" мүсабигәси өлкә һакимијјәтинин әсас проблеминә чеврилмишдир.
Дүнән бу мүсабигәнин ачылыш ҝүнү олмасына бахмајараг, Азәрбајҹан медиа вә мәтбуаты бу мөвзуја о гәдәр дә әһәмијјәт вермәјиб вә КИВ тәрәфиндән сојуг гаршыланыб. Бу ҝүн дә мүсабигәнин икинҹи ҝүнүдүр вә азәри мәтбуаты, о ҹүмләдән "Бизим јол" гәзети јазыр ки, дәвәт олунанларын чохунун ҝәлмәмәси вә туристләрин бу мүсабигәни о гәдәр дә хош гаршыламамасы дөвләти мүсабигә үчүн јени тикиллмиш залын мәктәблиләрлә долдурмасына мәҹбур едиб.
Түркијә медиасынын ачыгламаларына әсасән, 3 милјард авро дәјәриндә хәрҹ гојулмуш бу мүсабигәјә 20 мин дәвәт олунан туристдән ҹәми 671 нәфәринин ҝәлмәси Бакы дөвләтини чохлу суаллар гаршысында гојмушдур.
Бакы дөвләти бу мүсабигә илә өлкәдә тәһлүкәсизлијин олмасыны иҹтимаи фикирдә јерләшдирмәк истәсә дә дәвәт олунанларын бу мүсабигәни гаршыламамасы фактики олараг онларын өз тәһлүкәсизлијинин тәмин едилә билмәјәҹәјинин тәсдигләнмәси проблеми јаратмышдыр.
Ола билсин ки, инди Азәрбајҹан һакимијјәти өз мүсәлман халгы илә гаршы-гаршыја дурмағын онларын бејнәлхалг чөһрәләринә зәрбә вураҹағындан башга бир нәтиҹәси олмајаҹағыны даһа јахшы анлајалар.
Диггәт: Хәбәрдән истифадә етдикдә мәнбәјә истинад лазымдыр
