Әһли Бејт -АБНА- хәбәр аҝентлији- Әлијев режиминин сәјјар трибуналарындан олан сабиг АНС-чи Гәнирә Пашајева Милли Мәҹлисдә илк бахышдан чох вәтәнпәрвәр бир чыхыш едиб. О дејиб:
-Ирандакы антиазәрбајҹан даирәләр… Азәрбајҹан дөвләти, онун символлары вә атрибутлары әлејһинә дә гејри-сивил, гејри-инсани һәрәкәтләрлә мәшғул олур, ачыг-ашкар тәхрибатлара јол верирләр.
-Ирандакы антиазәрбајҹан даирәләринин бу аддымыны нә Азәрбајҹан дөвләти, нә дә Азәрбајҹан халгы нә гәбул, нә дә һәзм едә биләр.
-Биз бу аддымлары тамамилә ләнәтләјир вә писләјирик. Ирандакы мәлум даирәләр әввәлләр белә иддиалар ирәли сүрүрдүләр ки, Азәрбајҹанда ҝеј-парад кечириләҹәк. Онларын бу тәхрибатчы иддиалары Азәрбајҹан тәрәфиндән алт-үст едилдикдән сонра инди дә иддиа етмәјә башлајыблар ки, “Еуровисион” Ислам дәјәрләринә зидд бир һадисәдир. Ахы һарада јазылыб ки, “Еуровисион” Ислам дәјәрләринә зиддир?
-Иранда поезија јарышмасына ҝедән ики ҝәнҹ азәрбајҹанлы һәбс олунуб. Буна һәбс олунмаг демәк дә дүзҝүн дејил. Чүнки онлар Иранда ҝировдадырлар вә Азәрбајҹан тәрәфиндән дәфәләрлә мүраҹиәт едилмәсинә бахмајараг, һәлә дә онлар һаггында Иран тәрәфиндән һеч бир мәлумат верилмир.
-Она ҝөрә дә Иранын артыг бу аддымларына сон демәјин, ону дурдурмағын вахтыдыр…
Амма Гәнирә ханым демәјиб ки:
-Онун Азәрбајҹан Дөвләти адландырдығы режим “Ирана ишләјән” диндарлары наркотика, силаһ-сурсатла шәрләјиб һәбсә алыр, мин бир ишҝәнҹә алтында “вәтәнә хәјанәти” сүбута јетирир. Әҝәр бу инсанлар доғрдан да Иранын мәнафеләринә хидмәт едирсә, нә үчүн бу адла һәбс олунмурлар? Наркотиклә шәрләнән Ҹаббар Савалан да Ирана ишләјир?
-Зәиф Ермәнистанын ишғалына неҹә ҹаваб вердиниз ки, ҝүҹлү Иранын рәфтарларына неҹә ҹаваб верәсиниз?! Сизин әлиниздән һагг сөзү дејән вәтәндашы шәрләмәкдән башга да бир иш ҝәлир?
-Сизин шаирләр? Мирзә Сакит сизин шаириниз дејилди? Ону һероин сахламаг иттиһамы илә Иран һәбс етмишди?
-Бәлкә, гондарма ермәни сојгырымындан һүзнләнән депутат һәмвәтәнләринизи дә јада саласыныз?
-Исламда спиртли ичкиләрин һазырланмасы, сатышы, истифадәси гадағандыр - бу һәр јердә јазылыб. Мәсҹид сөкмәк, түрбан јасагламаг да бу сырадан!
Гәнирә ханым, инди Ирана даш атмаг режимин сијасәти олуб. Чалышын атдығыныз даша адынызы јазмајын. Чүнки бу режимин өмрүнә аз галыб, пәнҹәрәсиндән атылан дашлар әшјаји-дәлил олаҹаг.
Диггәт: Хәбәрдән истифадә етдикдә мәнбәјә истинад лазымдыр
