Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын Илаһијјатчысы, фәлсәфә доктору Фүзули Шәфијев Сумгајыт полиси тәрәфиндән сахланылыб. Сумгајыт шәһәр мәһкәмәси Фүзули Шәфијев барәсиндә 10 суткалыг һәбс гәрары вериб. Бу барәдә гәзетимизә бирлик.аз сајтынын редактору Вүсал Һәтәмов мәлумат вериб.
Онун сөзләринә ҝөрә, һәбси илә бағлы мәлуматы Ф.Шәфијев өзү она билдириб: “Бир гәдәр әввәл өзү зәнҝ едиб деди ки, 12-ҹи микрорајонда јерләшән евиндә ахтарыш апарылыб. Она мәхсус компүтер исә полис тәрәфиндән ҝөтүрүлүб. Өзүнә исә 10 сутка һәбс ҹәзасы верилиб. Онун сөзләринә ҝөрә, һәбси бу ҝүн бирлик.аз сајтында јерләшдирилән “Ибн Сина “ҝејләри дөјүн” дејир” адлы мәгаләси олуб”.
Вүсал Һәтәмов дејиб ки, Фүзули Шәфијев Ибн Сина вә Нәсрәддин Туси ирсини арашдырыб. Бу ҝүн исә онун ибн Синанын Ганун (тиббин ганунлары) китабындан гејри-әнәнәви ҹинси ориентасијалы шәхсләрлә бағлы бөлмәни тәрҹүмә едәрәк мәгалә һалына салыб. Бу ҝүн бирлик.аз сајтында Ф.Шәфијевин тәгдиматында верилән јазыда ортра әсрләрин даһи тәбиб вә философунун “мавиләр” вә онларын мүалиҹәси илә бағлы фикирләри, арашдырмалары јер алыб.
Ибн Синанын бу групларын мүалиҹәси үчүн вердији төвсијәләрдән бири дә онларын дөјүлмәсидир. Ситат: “Онларын өзүнү иллузијадан ајырыб реал һәјата гајтармаг үчүн Ибн Сина дејир, онлары дөјүн ки, ајылсынлар. Ибн Сина “Шәфа” китабынын илаһијјат бөлүмүндә онлар барәдә дејир: “Әҝәр онлар парадоксал оландан имтина үсулларыны гәбул етмәсәләр, инад ҝөстәрсәләр, онлара тәклиф един, аловланан тонгала ҝирсинләр. Чүнки онлара ҝөрә од вә гејри- одун һеч бир фәрги јохдур, онлары дөјсүнләр, чүнки ағры вә гејри- ағрынын һеч бир фәрги јохдур, онлары јемәкдән, ичмәкдән мәһрум еләсинләр, чүнки онлар үчүн фәрги јохдур”.
Сон мәлумата ҝөрә, Ф.Шәфијеви полисә мүгавимәт иттиһамы илә һәбс едибләр.
Диггәт: Хәбәрдән истифадә етдикдә мәнбәјә истинад лазымдыр
