Әһли Бејт -АБНА- хәбәр аҝентлијинин вердији хәбәрә әсасән "Хәстәханалара хәстә гәбул етмәмәк тапшырығы верилиб"
Бу ҝүн политолог Елхан Шаһиноғлу Фаҹебоок сосиал шәбәкәсиндә јазыб ки, онун јахын гоһумунун мәдәсиндә дәһшәтли ағры олуб вә мәдә јарасы ачылыб. Аиләси дәрһал тәҹили јардым үчүн "Семашко" хәстәханасына мүраҹиәт едиб. Вә бу әввәлләр дә белә олуб.
Амма хәстәханада онлара билдирибләр ки, "Еуровисион"ла бағлы хәстә гәбул едә билмирләр. Онлара тапшырылыб ки, террор вә с. фөвгәладә һаллар үчүн палаталары бош сахласынлар. Белә олан һалда аилә суал едиб ки, "бәс, бирдән ҝүҹлү ганахма баш версә нә етсинләр?" Ҹаваб исә белә олуб: "Тәҹили јардым чағырын".
Шаһиноғлу сон олараг јазыр: "Белә јердә дејирләр, шәрһ вермәк јерсиздир. Һиппократ анды "Еуровисион"а гурбан верилир".
Диггәт: Хәбәрдән истифадә етдикдә мәнбәјә истинад лазымдыр
