Әһли Бејт -АБНА- хәбәр аҝентлијинин вердији хәбәрә әсасән Һолландија мәтбуатынын вердији мәлумата ҝөрә, Белчикадан "Еуровисион" маһны мүсабигәсини ишыгландырмаг үчүн Бакыја ҝөндәрилмиш нүмајәндә һејәтинин бир үзвү галдыглары отелин јахынлығында такси сүрүҹүсү тәрәфиндән дөјүләрәк чәнәси сындырылыб. Чәнәси сындырылан журналист артыг өлкәсинә гајытмаға һазырлашыр.
Гәзет јазыр ки, һадисә Бакынын мәркәзиндә Белчика һејәтинин галдығы отелләрин биринин јахынлығында баш вериб. Белә ки, Белчика һејәтинин тәркибиндә олан ҹүтлүк вә диҝәр бир нүмајәндә бош вахтларынын галдығыны ҝөрүб иш иҹра етдији јердән отелә гајыдырлар. Вә бу заман такси сүрүҹүсү илә гијмәт үстүндә јаранмыш мүбаһисә заманы онун һүҹумуна мәруз галырлар. Чәнәси сындырылмыш шәхси һејәтин диҝәр үзвләри әвәз едәҹәкләр.
Амма буна бахмајараг, һејәт тәшкилатчылыгдан шикајәт етмәјибләр вә баш верән һадисәни һәр бир өлкәдә баш верә биләҹәк шәхси мәсәлә кими дәјәрләндирибләр.
Диггәт: Хәбәрдән истифадә етдикдә мәнбәјә истинад лазымдыр
