Әһли Бејт -АБНА- хәбәр аҝентлијинин вердији хәбәрә әсасән Дүнја Әһли Бејт (әлејһимус сәлам) Ассамблејасынын баш катиби Һөҹҹәтул Ислам вәл Муслимин ҹәнаб Әхтәри һәзрәт Фатимеји Зәһранын (әлејһа салам) мүбарәк мөвлудуну тәбрик етмәклә јанашы, "Исламын Бејнәлхалг Миссијасы Конфрансы"нын тәшкилинә өз тәшәккүрүнү билдирәрәк деди: "Исламын үмумдүнјәви әсас принсип олмасыны Мүтәал Аллаһ Гуранда бујурмушдур вә әсасән, Гуран ајәләринин үслубу Исламын үмумдүнјәви олмасыны ҝөстәрир".
Әхтәри ҹәнаблары артырды: "Диҝәр өлкәләрин ишләринә мүдахилә принсипини бүтүн хүсусијјәтләри илә Ислам вә Иран һөкумәти гәбул едир. Амма бу мөвзу бејнәлхалг мүнасибәтләрин диҝәр мөвзулары кими супер-ҝүҹ өлкәләрин әлиндә васитәјә чеврилиб вә онлар Исламын алим вә тәглид мәрҹәләринин өз ислами вәзифәләрини јеринә јетирмәләрини диҝәр өлкәләрин ишләринә мүдахилә кими гәләмә верирләр. Һалбуки, өзләри һеч бир дәлил олмадан ислами вә гејри-ислами өлкәләрә һәтта һәрби һүҹумлар едирләр".
Дүнја Әһли Бејт (әлејһимус сәлам) Ассамблејасынын баш катиби артырды: "Ислам һәр вахт – истәр мәһдуд, истәрсәдә үмуми сурәтдә – тәһлүкәдә олса, тәглид мәрҹәләри, алимләр, мүсәлман халглары, һәтта азад гејри-мүсәлман халглар тәһлүкәни арадан галдырмаға чалышмалыдырлар. Исламы тәһлүкәдән горумаг сәрһәд танымыр".
Һөҹҹәтул Ислам вәл Муслимин ҹәнаб Әхтәри Азәрбајҹан Республикасы дөвләтинин мәсҹидләри дағытмаг, исламчылары һәбс етмәк кими бәзи анти-Ислам һәрәкәтләринә тохунараг, Азәрбајҹан һөкумәтинә хитаб едәрәк деди: "Неҹә олур ки, сиз һомосексуалларын парадыны планлашдырмагла мүсәлманларын дујғуларыны аҹылајырсыныз, амма тәглид мәрҹәләринин вә мүсәлманларын етиразларынын интизарында дејилсиниз".
Әхтәри ҹәнаблары даһа сонра хатырлатды: "Бүтүн дөвләтләр, о ҹүмләдән Азәрбајҹан дөвләти билмәлидир ки, динлә мүбаризә гәләбә чала билмәз. Неҹә ки, коммунистләр нәтиҹә ала билмәдиләр вә сүгут етдиләр. Бу ҝүн дә Ислам дүнјасынын диктаторлары бир-биринин ардынҹа сүгут едирләр вә Америка вә гәрбин онлары һимајәт етмәјә ҝүҹләри чатмыр".
Дүнја Әһли Бејт (әлејһимус сәлам) Ассамблејасынын баш катиби "Исламын Бејнәлхалг Миссијасы Конфрансы"нын бағланыш мәрасиминин сонунда Азәрбајҹан Республикасы дөвләтиндән өз халгынын истәкләринә дәјәр вермәсини, диггәт етмәсини вә һәгиги иззәтин Ислама үз ҝәтирмәкдә олдуғуну билмәсини истәди.
Диггәт: Хәбәрдән истифадә етдикдә мәнбәјә истинад лазымдыр
