Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы Әрдәбил останында Имам Хаменејинин нүмајәндәси Сејјид Һәсән Амили ҹәнабларынын тәшәббүсү илә 12 мај тарихиндә “Исламын Гафгазда Бејнәлхалг Миссијасы Конфрансы” өз ишинә башламышдыр.
Бу конфранса Ајәтуллаһ-үзма Мәкарим Ширази ҹәнаблары да өз нөвбәсиндә нәсиһәтлә долу бәјанат үнванламышдыр. Бәјанаты сајтымызын зијарәтчиләринә олдуғу кими чатдырырыг:
Бисмиллаһир-Рәһманир-Рәһим
Шиәләрин мәскунлашдығы Әрдәбил останында мүһүм бир мәгсәдлә тәшкил олунмуш бу әзәмәтли конфранс мүнасибәтилә бүтүн гардаш вә баҹылары, тәшкилатчылары тәбрик едир, онларын һәр биринә тәшәккүрүмү билдирирәм.
Азәрбајҹан Республикасы шиәләрин сајына ҝөрә дүнјанын икинҹи өлкәсидир. Азәрбајҹан әһалисинин 80 фаизиндән чоху Әһли-бејт мәктәбинин давамчысыдыр. Азәрбајҹан мүсәлманлары өз динләринин принсип вә әһкамларына сон дәрәҹә бағлыдырлар, онларын горунмасы јолунда чалышырлар. Ислам Ојанышы шәраитиндә бу өлкә мүсәлманларынын башга өлкә мүсәлманлары илә сых рабитәдә олмасы зәрури ҝөрүнүр. Бу рабитә сајәсиндә онларын раһатлыг вә тәһлүкәсизлији там горунмуш олар.
Һамы билмәлидир ки, Ислам сәмави дүнја динидир. Ислам тәлимләри сәрһәдләр, һакимијјәтләрлә мәһдудлашмыр. Бу сәбәбдән мүҹтәһидләр, дин алимләри дүнја мүсәлманларынын проблемләри вә мәнафеләри илә бағлы мәсулијјәт һисс едирләр. Хәбәрдарлыг вә мүждә принсипләринә риајәт етмәк дүнјанын бүтүн нөгтәләриндә (Гафгазда, хүсусилә шиә Азәрбајҹанда) дин алимләринин вәзифәсидир.
Амма сон ҝүнләр мәтбуатда јајылмыш бир хәбәр дин алимләрини, Ислам ардыҹылларыны вә Азәрбајҹан мүсәлманларыны чох нараһат етмишдир. Бу хәбәрә ҝөрә Азәрбајҹанда Ислам тәлимләринә затән јад олан Еуровисион адлы тәдбир кечирилмәси планлашдырылыр. Ән писи будур ки, тәдбирдән өнҹә һомосексуалларын парады нәзәрдә тутулуб. Бу кими олајлардан Аллаһа пәнаһ апармалыјыг. Иншааллаһ, бу хәбәр јалан олар. Амма Азәрбајҹан Республикасы дөвләт рәсмиләринә хатырлатмаг лазымдыр ки, бу кими тәдбирләр нә онларын, нә милләтин, нә дә өлкәнин мүстәгиллијинин хејринәдир.
Гәрблиләр, хүсусилә Исраил Азәрбајҹан Республикасыны, бу мәмләкәтин инанҹлы инсанларыны Ислам тәлимләри вә Ислам өлкәләриндән узаглашдырмагда исрарлыдыр. Онлар Азәрбајҹана јағлы тикә кими бахыр вә аҹ гарынларыны онун сәрвәтләри илә долдурмаг истәјирләр.
Бу өлкәнин мөһтәрәм дөвләт рәсмиләринә төвсијәмиз будур ки, белә зәрәрли тәдбирләрин әвәзинә өлкәләринин елми тәрәггиси, халгын рифаһы, Гарабағын азад олунмасы барәсиндә дүшүнсүнләр. Гарабағда баш верәнләр һәр биримизи нараһат едир.
Үмид едирик ки, Исламын Гафгазда Бејнәлхалг Миссијасы Конфрансында бу һәјати мәсәлә арашдырылаҹаг, Азәрбајҹан рәсмиләринә зәрури төвсијәләр вериләҹәк.
Бир даһа бу конфрансын мүгәддәс мәгсәдләринин реаллашмасы үчүн Аллаһ-тааладан јардым диләјирәм.
Диггәт: Хәбәрдән истифадә етдикдә мәнбәјә истинад лазымдыр
