Әһли Бејт -АБНА- хәбәр аҝентлијинин вердији хәбәрә әсасән Бејнәлхалг Амнистија Тәшкилаты өзүнүн сон һесабатында Азәрбајҹан Республикасында Бејнәлхалг Сәһәр Каналынын һәбсдә олан мүхбири Анар Бајрамлыја гаршы иттиһамларын әсассыз олдуғуну билдирәрәк, онун тез бир заманда сәрбәст бурахылмасыны истәјиб.
Бејнәлхалг Амнистија Тәшкилатынын һесабатында билдирилиб ки, Анар Бајрамлыја гаршы әсассыз вә сахта иттиһамлар сијаси гәрәзләрлә ирәли сүрүлүб, буна ҝөрә дә бу мүхбир сијаси мәһбус һесаб едилир.
Бејнәлхалг Амнистија Тәшкилаты Бакыда Иран Ислам Республикасынын Телерадио Тәшкилатынын јерли мүхбири Анар Бајрамлы һабелә Ислам Азәри Сајтынын баш редактору Рамин Бајрамовун сифаришли һәбсинә тохунараг, билдирибдир ки, Азәрбајҹан Республикасынын лаик һөкумәти дини мәсәләләр хүсусијјәт тәшкил етмәклә азад информасија чатдырманын гаршысыны алмаг үчүн бу мүхбир вә журналистләри сахта вә әсассыз иттиһамларла һәбс едибдир.
БАТ-ын һесабатында һәмчинин һал һазырда Азәрбајҹан Республикасында 18 виҹдан мәһбусунун олдуғуна ишар едиләрәк, белә билдирилиб: ”Азәрбајҹан Республикасы Авровизија Мүсабигәсинин кечирилмәси үчүн гејри-гануни методларла мүхалифләр вә наразыларын сәсини кәсир”.
Бејнәлхалг Амнистија Тәшкилаты Азәрбајҹан Республикасында мүхбирләрин тәһдид вә һәбс едилиб, дөјүлдүкләрини билдирәрәк, вурғулајыб ки, сон ики ајда Азәрбајҹан Республикасында медиа мәнсублары вә инсан һаглары мүдафиәчиләринә тәзјигләр артыбдыр вә һөкумәт нефт ҝәлирләриндән јалныз ҝөрүнтү характерли мәсәләләр үчүн истифадә едир.
БАТ һәмчинин Авропа Јајым Бирлијиндән Бакыда мүхбирләр вә журналистләрин репрессијасына диггәтсизлик етмәсинә һабелә Рәсми Бакы илә Авровизијанын јајымы үчүн әмәкдашлыг етмәсинә ҝөрә Авропа Јајым Бирлијини тәнгид едиб.
Азәрбајҹан Республикасында исламчы фәалларын һәбс едилмәси вә мүстәгил вә тәнгидчи журналистләрә гаршы тәзјигләрин үчүнҹү далғасы илә ејни заманда бу өлкәнин тәһлүкәсизлик гүввәләри өтән феврал ајынын 16-да Иран Телерадио Тәшкилатынын Бакыдакы јерли мүхбири Анар Бајрамлы вә онун сүрүҹүсү Рамил Дадашову ҝеҹә вахты евләриндә һәбс едибләр вә онларын гоһум-әгрәбаларынын билдирдијинә ҝөрә полис мәркәзиндә онларын ҹибинә наркотик маддәләр гојублар.
Бу һәрәкәтин ардынҹа ИИР-ын Бакыдакы сәфирлији кәскин риторикалы бәјанат јајараг, иттиһамларын пуч олдуғуну һабелә ИРИБ-нин ики јерли ишчисинин дәрһал азад едилмәсини вә бу һәрәкәт амилләринин ҹәзаландырылмаларыны тәләб етди. Иран Ислам Республикасынын Бакыдакы сәфирлији бу мөвзунун медиа саһәси хүсусијјәт тәшкил етмәклә мүнасибәтләрә мәнфи тәсир ҝөстәрәҹәји һагда да хәбәрдарлыг етди.
Иран Ислам Республикасынын Мәдәнијјәт вә Ислами Иршад Назири, ИИР-нын Хариҹи Ишләр Назиринин консуллуг ишләри үзрә мүавини , ИИР-нын Ислам Шурасы Мәҹлисинин милләт вәкилләринин бир групу, о ҹүмләдән Лалә Ифтихари вә Фатимә Алија Азәрбајҹан Республикасынын бу һәрәкәтини писләјәрәк, һәбс едилән шәхсләрин сәрбәст бурахылмасыны истәдиләр.
Бундан өнҹәдә Азәрбајҹан Республикасынын партијалар вә гурумларынын сәдрләриндән онларла нәфәр, о ҹүмләдән Вәһдәт, Јашыллар , Ислам, Бирлик, Зијалылар Һәрәкаты, Сол Демократик Партијасы сәдрләри , Сүлһ вә Демократија Мүәссисәсинин директору, Гарабағ Азадлыг Тәшкилатынын сәдри, Ишҝәнҹә илә Мүбаризә Комитәсинин сәдри, Һелсинки Вәтәндаш Ҹәмијјәтинин нүмајәндәси, Инсан Һүгуглары Уғрунда Иҹтимаи Бирлијин сәдри, Рамил Дадашов вә Анар Бајрамлынын һәбсинин сифаришли олдуғуну билдириб, онларын азад едилмәсини истәдиләр.
Репортјорларын Тәһлүкәсизлији вә Азадлығы Тәшкилаты, Бакыда јерләшән Мәтбуатын Һүгугларыны Мүдафиә мүәссисәси , Сәрһәдсиз Репортјорлар Тәшкилаты вә Нју-Јоркда јерләшән Журналистләрин Һүгугларыны Мүдафиә Комитәси дә ајры-ајры бәјанатлар јајараг, гејд едилән шәхсләрә гаршы иттиһамларын пуч олдуғуну билдирәрәк, бу шәхсләрин дәрһал сәрбәст бурахылмаларыны истәдиләр.
Диггәт: Хәбәрдән истифадә етдикдә мәнбәјә истинад лазымдыр
