Әһли Бејт -АБНА- хәбәр аҝентлијинин вердији хәбәрә әсасән Авропада хүсусән дә Алманијанын тәнгидинә туш ҝәлән әлијевләр режими бу өлкәләрин ачыгламаларыны да гәрәзли һесаб етди.
Бу барәдә Азәрбајҹан Президенти Администрасијасынын Иҹтимаи-сијаси мәсәләләр шөбәсинин мүдири Әли Һәсәнов шәнбә ҝүнү журналистләрә билдириб: “Тәәссүфләр олсун ки, сон заманлар Гәрб мәтбуаты Азәрбајҹанын һәддән артыг гејри-демократик олдуғу, өлкәдә сијаси плүрализмин олмадығы, инсан һагларынын позулдуғу, мәтбуат вә сөз азадлығынын тәјзигләр алтында олдуғу илә бағлы рәј јарадырлар”.Һәсәнов мајын 2-дә Ҹеневрәдә бунунла бағлы чох ҹидди мүзакирәләр кечирилдијини гејд едәрәк билдириб ки, Авропа Јајым Бирлијинә Азәрбајҹана тәјзиг ҝөстәрмәси үчүн чох ҹидди тәзјигләр едилир."Бу гурума тәзјигләр едилир ки, хариҹи тәшкилатларын, дахилдә бәзи гүввәләрин, сијаси партијаларын, ГҺТ-ләрин, журналистләрин Азәрбајҹана тәјзигләринин реаллашмасына јардым ҝөстәрсин, Азәрбајҹана тәјзиг ҝөстәрәрәк бу вә ја диҝәр мәсәләләрдә Азәрбајҹаны ҝүзәштә сөвг етсин. Ҹеневрәдә чыхышларым заманы мән онлара инандырмаға чалышдым ки, Азәрбајҹанда сөз, мәтбуат азадлығынын, вәтәндаш ҹәмијјәтинин вәзијјәти, инсан һүгугларынын вәзијјәти Авропа өлкәләринин һеч бириндән ҝеридә дејил. Лакин бәзи һаллар вар ки, онлардан һеч бир ҹәмијјәт сығорталанмајыб. Белә һаллара гаршы Азәрбајҹан һакимијјәти мүбаризә апарыр, бундан сонра да апараҹаг. Дүнјанын һәр јериндә гәтлә јетирилән вә тәјзиг ҝөстәрилән журналистләр вар, амма дөвләтин ирадәси демократија, инсан һагларына истигамәтләнибсә, бу дөвләтдә сөз, мәтбуат азадлығынын вәзијјәти нормал олмалыдыр", - Һәсәнов әлавә едиб.ПА рәсмисинин сөзләринә ҝөрә, Ҹеневрәдә үмуми гәнаәт ондан ибарәт олду ки, "Еуровисион" мүсабигәсинин Азәрбајҹанда кечирилмәси сијасиләшдирилмәсин, бу, һансыса просесләрлә әлагәләндирилмәсин."Азәрбајҹан һакимијјәти дә сөз верир ки, өлкәјә ҝәлән бүтүн журналистләрә шәраит јарадаҹаг. Азәрбајҹанда сөз, мәтбуат азадлығы неҹә тәмин олунубса, бундан сонра да тәмин олунаҹаг. Бундан сонра да Азәрбајҹан һакимијјәти гәрб өлкәләри илә гаршылыглы әмәкдашлығы давам етдирәҹәк, журналистләрин пешәкарлашмасы истигамәтиндә сәјләримизи давам етдирәҹәјик", - Һәсәнов дејиб. Диггәт: Хәбәрдән истифадә етдикдә мәнбәјә истинад лазымдыр
