Әһли Бејт -АБНА- хәбәр аҝентлијинин вердији хәбәрә әсасән Америка гәзети Гәрбин Азәрбајҹанла бағлы сијасәтинә даир зиддијјәтли мәгалә илә чыхыш едиб. АБШ-ын танынмыш көшә јазарлары артыг бир нечә ҝүнләрдир ки, Обаманын сәһвләрини тәһлил едәрәк онун јүрүтдүјү хариҹи сијасәтә гаршы фәал кампанијаја башлајыблар. Демәк олар ки, бүтүн танынмыш сијасәтчиләр вә експертләр Обаманын сијасәтиндә Азәрбајҹан факторуна тохунублар.
Вести.аз-ын јаздығына ҝөрә, Флориданын популјар “Һеадлине Сурфер” интернет гәзетинин баш редактору Һенри Фредерик өз мәгаләсиндә Обаманын Иран сијасәти илә бағлы јазыб: “Ағ Ев Ирана зәрбәләрин ендирилмәси үчүн ҝуја Азәрбајҹан вә Исраил арасында сазишин олдуғуну ачыглајандан сонра һәр ики өлкәни пис вәзијјәтдә гојду. Администрасијанын һеч ағлына да ҝәлмәди ки, белә бир сазишин мөвҹудлуғуна чох аз адам инанаҹаг. Обама Исраили чәтин вәзијјәтә салды вә Азәрбајҹаны – бизим Гафгазда ән јахшы стратежи достумузу ҝүнаһкар ҹилдиндә тәгдим етди”.
Бундан башга, бу јахынларда АБШ-ын WHWI онлајн радиосу да бу барәдә данышыб вә танынмыш политологлар Американын Азәрбајҹаны анти-Иран гүввә кими тәгдим етмәклә сәһвә јол вердијини билдирибләр.
Радио һәмчинин “Авровизија” илә бағлы олараг Авропа өлкәләринин апардыглары кампанијаја да тохунуб: “Бәзи Авропа өлкәләриндә сәһәр саатларында “Авровизија” пајтахтынын Ромаја көчүрүлдүјүнә даир хәбәр јајылды. Чохлары һәтта билетләри гајтармаг истәјибләр. Амма тәхминән 15 дәгигәдән сонра бу хәбәр бүтүн сајт вә порталлардан јығышдырылды. Бу, Азәрбајҹана гаршы мәгсәдли гара кампанијадыр”. Гејд едәк ки, бу шајиә “Авровизија”-нын рәсми сајтына вә башга нүфузлу информасија аҝентликләринә истинадән јајылмышды.
Диггәт: Хәбәрдән истифадә етдикдә мәнбәјә истинад лазымдыр
