Әһли Бејт -АБНА- хәбәр аҝентлијинин вердији хәбәрә әсасән Иҹтимаи Палата Азәрбајҹан Республикасы Президент Администаријасынын иҹтимаи-сијаси шөбәсинин мүдири Әли Һәсәнова вә Бакы шәһәр Иҹра Һакимијјәтинин башчысы Һаҹыбала Абуталыбова мүраҹиәт үнванлајыб.
Мүраҹиәтдә дејилир:
“Азәрбајҹан Республикасы Президент Администаријасынын иҹтимаи-сијаси шөбәсинин мүдири ҹәнаб Әли Һәсәнова
Сурәти: Бакы шәһәр Иҹра Һакимијјәтинин башчысы ҹәнаб Һаҹыбала Абуталыбова
"Диггәтинизә чатдырырыг ки, 30 апрел 2012-ҹи ил тарихдә Иҹтимаи Палата күтләви аксијаларын кечирилмәси мәгсәдилә Бакы шәһәр Иҹра Һакимијјәтинә рәсми мүраҹиәт едиб. Мүраҹиәтдә ачағыдакы јерләрдән бириндә јүрүш-митингин кечирилмәси хаһиш олунур.
1. Бинәгәди рајону 7-ҹи микрорајондакы кечмиш “Ингилаб” кинотеатрынын гаршысындан башлајараг, С.С.Ахундов күчәсиндән кечмәклә метронун “Дәрнәҝүл” стансијасынын дәмирјолуна тәрәф чыхышында;
2. Низами рајону, 8-ҹи километр гәсәбәсиндә Азәр Манафов күчәсинин әввәлиндән башлајараг, “Тәбриз” кинотеатрынын гаршысындакы гаршысындакы мејданда;
3. Нәриманов рајону, Тәбриз проспекти илә кәсишмәсиндән башлајараг, Әлијар Әлијев күчәси илә кечмәклә Нәриманов паркында.
8 вә 22 апрел тарихләриндә Иҹтимаи Палатанын етдији мүраҹиәтләрә ҹаваб олараг Бакы шәһәр Иҹра Һакимијјәти митингин кечирилмәси үчүн Бакы шәһәри, Сәбаил рајону, 20-ҹи јашајыш саһәсиндә, Елчин Әзизов күчәсиндә јерләшән Сүрүҹүлүк мәктәбинин мејданчасыны ајырмыш вә Иҹтимаи Палата бунунла разылашараг, һәмин үнванда күтләви аксија кечирди. Лакин, тәәссүфлә гејд едилмәлидир ки, һәр ики митингин кечирилмәсинә сүни әнҝәлләр јарадылыб, јоллар бағланыб, һәмин үнвана ҝетмәли автобуслар маршрутдан чыхарылыб вә мејданчаја ҝириш-чыхыш заманы гејри-гануни олараг јеткинлик јаша чатмајан шәхсләрин иштиракына манеәләр төрәдилиб.
Бүтүн бунлары нәзәрә алараг, Бакы шәһәриндә Иҹтимаи Палатанын тәјин етдији 6 мај 2012-ҹи ил тарихли јүрүш-митингин кечирилмәси үчүн мүнасиб јерин ајрылмасы мәгәсилә дөвләт органлары илә данышыглар апармаг үчүн Видади Миркамал, Меһрибан Вәзир вә Гәләндәр Мухтарлыдан ибарәт ишчи груп ҝөрәвләндирилиб.
Бунунла әлагәдар олараг, ишчи групунун үзвләри Сизә мүраҹиәт едәрәк, Бакы шәһәриндә күтләви аксијаларын кечирилмәси, бу аксијаларын тәһлүкәсизлијинин тәмин едилмәси вә кечириләҹәк үнваналарын дәгигләшдирилмәси мәгсәдилә Сизинлә ҝөрүшмәк арзусундадыр.
Сизә едилән бу мүраҹиәти Иҹтимаи Палатанын хош арзусу кими гәбул етмәјинизи вә гыса мүддәт әрзиндә ишчи групу илә ҝөрүшә разылыг вермәјинизи риҹа едирик."
Диггәт: Хәбәрдән истифадә етдикдә мәнбәјә истинад лазымдыр
