Әһли Бејт -АБНА- хәбәр аҝентлијинин вердији хәбәрә әсасән Ҹәлилабад рајон Ҝөјтәпә шәһәриндә һәбс олунмуш Илаһијјатчы алим Һаҹы Илгар Әлијев апрелин 22-и Күрдәханы тәҹридханасындан Ҹәлилабад рајон тәҹридханасына ҝәтирилмишдир. Сәбәб кими Һаҹы Илгарын истинтаг иши ҝөстәрилир.
Ҹәлилабад полиси Һаҹы Илгар Әлијевин үзүнә дурмаға артыг јаланчы шаһидләр тапмышдыр. Јаланчы шаһидләрин бу ҝүнләрдә Һаҹы Илгарын үзүнә дураҹағы билдирилир.
Мај ајында Илгар Әлијевин истинтаг ишинин битәҹәји дә әлдә етдијимиз мәлуматлар арасындадыр.
Илаһијјатчы Илгар Әлијевин мај ајынын 5-ә кими Ҹәлилабад тәҹридханасында галаҹағы билдирилир.
Хатырладаг ки, Ҹәлилабад рајонунун Ҝөјтәпә гәсәбәсинин сакини руһани Һаҹы Илгар Әлијев Евровисион маһны мүсабигәсинин тәркиб һиссәси олан “Ҝеј Парада” кәскин етираз етдији үчүн Феврал ајынын 17-и Ҹүмә намазындан сонра Ҹәлилабад рајон полиси вә Милли Тәһлүкәсизлик Назирлијинин Ҹәлилабад шөбәсинин әмәкдашлары тәрәфиндән сахланылараг полис бөлмәсинә апарылмышды.
О, јалан иттиһамларла Ҹинајәт Мәҹәлләсинин 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәси илә иттиһам олунур.
Гејд едәк ки, сон ҝүнләр Ҹәлилабадда даһа ики фәал диндар һәбс олунмушдур. Онлар Азәр Нәзәров вә Рауф Әбиловдур.
Диггәт: Хәбәрдән истифадә етдикдә мәнбәјә истинад лазымдыр
