Әһли Бејт -АБНА- хәбәр аҝентлијинин вердији хәбәрә әсасән Исвечрәдә мүһаҹир һәјаты јашајан азәрбајҹанлы журналист Елбәји Һәсәнли “Ветенинфо.аз” сајтына мүсаһибәсиндә билдириб ки, күчә сүпүрмәклә мәшғул олур.
Елбәји Һәсәнли буна ҝөрә тәәссүфләнмәдијини дә вурғулајыб: “Шејх Сәнан мәһәббәтинә ҝөрә дининдән дөндү, донуз отарды. Јәни мән Авропаја кеф еләмәјә ҝәлмәдим ки...”
“Бу әзијјәтә дәјәрми” суалына Елбәји Һәсәнли белә ҹаваб вериб: “Дәјәр. Мән ән азы виҹдан әзабы чәкмирәм. Јәни вәтәними, милләтими бу игтидара сатмадым. Өнәмлиси елә будур. Сүлаләјә јарыныб Азәрбајҹанда јағ-бал ичиндә јашамагданса елә Исвечрәдә күчә сүпүрмәк јахшыдыр”.
Елбәји Һәсәнли дејиб ки, мүһаҹирәт әслиндә проблеми һәлл етмир: “Садәҹә, Азәрбајҹанда галсајдым, әсәбләрим там сырадан чыхарды. Јадыма ҝәлир, бир дәфә Мәммәд Исмајылы дивара дирәмишдим ки, нијә Азәрбајҹаны атыб ҝетдиз... Иттиһам характерли суаллар вермишдим. Инди јадыма дүшәндә хәҹаләт чәкирәм. Ҝөрсәм, ондан үзр истәјәҹәм. Шаири чох инҹитмишәм”.
Журналистикадан ҝетмәк фикриндә олмадығыны, ара-сыра јазылар јаздығыны дејән Елбәји Һәсәнли һазырда вахтыны даһа чох инҝилис вә алман дилләрини өјрәнмәјә һәср етдијини билдириб.
Вәтән һагда дүшүнҹәләрини бөлүшәркән Елбәји Һәсәнли мәрһум шаир Бәхтијар Ваһабзадәни хатырлајыб: “Дүшүнүрдүм ки, Бакыја ҝәләндә Бәхтијар Ваһабзәдә илә ҝөрүшә ҝедәҹәм. Хүсуси мүнасибәтимиз варды. Ҝәрәк Бакыја ҝәләндә гәбиристанлыглардан башлајым, севдијим инсанларын мәзарына баш әјим”.
Елбәји Һәсәнли Азәрбајҹанда демократик дәјишиклиләр башласа, дәрһал вәтәнә дөнәҹәјини сөјләјиб.
Азәрбајҹан мүхалифәтинин бу илин апрелиндә Бакыда кечирдији митингләр вә узагдан мүхалифәтдә бир дәјишиклик һисс едиб-етмәдији барәдә суала мүһаҹир журналист белә ҹаваб вериб: “Јох, мүхалифәт елә әввәлки дүшүнҹәсиндәдир. Бирләшә билмирләр. Мүсават-АХҸП бирлији алынмыр, чүнки биздә инсанлар идеја уғрунда јох, шәхсијјәт уғрунда мүбаризәни мәгбул сајырлар. Јули Сезар дејирди ки, әјаләтдә биринҹи олмаг Ромада икинҹи олмагдан јахшыдыр. Бизим партија лидерләри дә ејни дүшүнҹәдәдир. Она ҝөрә дә хырдалана-хырдалана ҝедирләр...”
Елбәји Һәсәнли һесаб едир ки, мүхалифәтин митинги Бакынын 20-ҹи јашајыш саһәсиндә кечирмәси биабырчылыгдыр. Анҹаг мүһаҹир журналист дүшүнүр ки, бу мөвзуда јазса, ону даша басарлар.
Елбәји Һәсәнлидән мүсаһибәни журналист Наһид Ҹанбахышлы “Фаҹебоок” сосиал шәбәкәси васитәсилә ҝөтүрүб.
“Јени Мүсават” гәзетинин әмәкдашы олмуш Елбәји Һәсәнли Азәрбајҹандан 2003-ҹү илин президент сечкисиндән сонра мүһаҹирәт едиб.
Диггәт: Хәбәрдән истифадә етдикдә мәнбәјә истинад лазымдыр
