Әһли Бејт -АБНА- хәбәр аҝентлијинин вердији хәбәрә әсасән “Сәрһәдсиз репортјорлар” дүнјада мәтбуат азадлығы саһәсиндә вәзијјәти әкс етдирән иллик Мәтбуат Азадлығы Индексини јајымлајыб. Ән азад мәтбуат Финландијада, ән гејри-азад мәтбуат исә Еритрејададыр.
Бу ил Индексә 179 өлкә дахил едилиб. Азәрбајҹан азадлыг сәвијјәсинә ҝөрә сон јерләрдән бирини – 162-ҹи јери тутуб вә өтән иллә мүгајисәдә 10 бәнд ҝериләјиб.
“Сәрһәдсиз репортјорлар”ун һесабатында дејилир:
“Өтән ил Азәрбајҹан мүхалифәтин демократик һәрәкатына гаршы ҝүҹлү репрессија ҹәһдләри илә сәҹијјәләниб. Илһам Әлијев, Беларусда Александр Лукашенко кими, һакимијјәти тәнгид етдијинә ҝөрә мәтбуатдан гисас алыб.
Бакы вә Минск ејни методлардан истифадә едир: журналистләр вә блоҝерләр сахланылыр вә азадлыгдан мәһрум едилир. Мүстәгил мәтбуата тәзјигләр артыр, хариҹи журналистләр өлкәдән депортасија олунмагла һәдәләнир.
Бакы сосиал шәбәкәләрә нәзарәтә ҹидди диггәт јетириб вә онлине режимдә етиразыны билдирән Интернет истифадәчиләрини һәбсә атыр.
Мүхалиф журналистләрин дөјүлмәси, һәбси, физики һәдәләр вә һүҹумлар – зоракылыг өлкәјә гајыдыб, сон беш илдә илк дәфә журналист гәтлә јетирилиб”.
Бу ил Азәрбајҹан Өзбәкистандан (157-ҹи јер) даһа бетәр олуб.
Азәрбајҹанын гоншуларына ҝәлинҹә, Ҝүрҹүстан 104-ҹү, Ермәнистан 77-ҹи јери тутуб вә мәтбуат азадлығына ҝөрә Ҹәнуби Гафгазда лидер олуб. Лакин Ермәнистан бу ҝүн һәгигәтән 3 ил әввәл олдуғу јердәдир. КИВ даими һүгуги тәгиб објектидир вә вурулан зијанын мигјасы дөвләтдә горху атмосферинә шәраит јарадыр.
Диҝәр гоншулардан Түркијә 148-ҹи, Русија 142-ҹи јери тутуб.
Индексин тәртиб едилмәси мејарларына вә методларына ҝәлинҹә, о, әсасән журналистләрин вә КИВ-ин тәгиб фактлары, өлкә ганунвериҹилији вә һөкумәтин сијасәти әсасында формалашдырылыр
Диггәт: Хәбәрдән истифадә етдикдә мәнбәјә истинад лазымдыр
