Әһли Бејт -АБНА- хәбәр аҝентлијинин вердији хәбәрә әсасән Гафгаз Мүсәлманлары Идарәсинин сәдри Шејхүлислам Аллаһшүкүр Пашазадә Америка Бирләшмиш Штатларына сәфәр едәҹәк. Мәлуматы гурумун мәтбуат хидмәти јајыб.
Сәфәр АБШ-ла Азәрбајҹан арасында дипломатик мүнасибәтләрин бәргәрар олмасынын 20-ҹи илдөнүмүнә һәср олунмуш тәдбир чәрчивәсиндә һәјата кечирилир.
Аллаһшүкүр Пашазадә 25-26 апрелдә Вашингтонда кечириләҹәк “Америка-Азәрбајҹан әлагәләри: ҝәләҹәјә бахыш” мөвзусунда конфрансда иштирак едәҹәк. Ики өлкә арасында игтисади, енержи вә һуманитар саһәләрдә әмәкдашлыг мөвзуларынын мүзакирә олунаҹағы конфрансда мәдәни әлагәләр вә толерантлығын мөһкәмләндирилмәсинә даир мәсәләләр ҝүндәмдә олаҹаг.
Конфрансда иштирак едәҹәк нүмајәндә һејәтинә ГМИ сәдринин биринҹи мүавини Мүфти Салман Мусајев, Бакы вә Азәрбајҹан јепархијасынын Јепископу Александр Ишејин, Бакыдакы католик иҹмасынын башчысы Владимир Фекете, Азәрбајҹандакы дағ јәһудиләри иҹмасынын башчысы Милих Јевдајев дахилдирләр.
Гејд едәк ки, әһалисинин 98%-дән чохунун мүсәлман олан бир өлкәдә толерантлығын инкишафы вә мөһкәмләндирилмәсинә даир мәсәләләр ҝүндәмдә ҝәтирилмәси ҝөрәсән мәһз сионизимә хидмәт етмәк анламын вермирми?!
Диггәт: Хәбәрдән истифадә етдикдә мәнбәјә истинад лазымдыр
