Әһли Бејт -АБНА- хәбәр аҝентлијинин вердији хәбәрә әсасән әлијевләр режими тәрәфиндән апарылан анти-Ислам сијасәтләринин илк гурбанлары режимин һәгиги рәгиби вә јахын ҝәләҹәкдә она гаршы јенилмәз бир гүдрәтли партијаја чеврилә билән Азәрбајҹан Ислам Партијасы олду. Лакин буна бахмајараг бу партијанын адындан мәлум олдуғу кими онун мәктәби Ислам шаҝирдләри дә Мүсәлманлардыр. Јәни һәгиги мүбаризләр. Дәмир бармаглыглар арасында олсалар да мүбаризә онлар үчүн давам едир. “Режими Девирәнәҹән Сөзүмүмүзү Дејәҹәјик” бу һәр бир Мүсәлманын Шүарыдыр! Бу арада Ислам Партијасынын Астара шөбә сәдри Руфулла Ахундзадәнин дәмир бармаглыглар арасындан ҝөндәрдији сијаси мәктубу зијарәтчиләримизә тәгдим едирик.
Бисмиллаһир-Рәһманир-Рәһим!
Һөрмәтли охуҹулар! Тәсадүфән, 2012-ҹи ил март атынын 29-да мәнә “совгат” ҝәтириләндә гәзетләрин бириси, “Ҝүндәлик Бакы” дәрҝиси чыхды (51-ҹи сајы). Мәним зәннимҹә “Ҝүндәм” хәбәрлә дәјишик дүшүб. Вә мүталиә едәркән һәмин гәзетин бир нечә мәгалә вә хәбәрләриндән ајдын олду ки, мәлум дәрҝи игтидар јөнүмлү олмагла, Милли Тәһлүкәсизлијин дигтәси, “хејир дуа”-сы илә нәшр олунур.
Хачмазда баш верән интиһар һадисәсинә мүнасибәт дедикләрими тәсдигләсә дә сонракы мәгаләләр, јәни Зија Мәммәдовун бостанына “даш атма”, Фүзули Әләкбәровун назирлијинин олајы вә тохунаҹағым “сијасәт” сәһифәсиндәки сәрсәмләмә вә илахыр да дедикләрими тәсдигләјир. Бир дә Моссадын төвсијәләрини дә бура әлавә етсәк гәзети малијәләшдирән алигарх назирин Кәмаләддин Һејдәров олдуғу гәнаәтинә ҝәлмәк олар. Кечәк мәтләбә.
“Көнлүмүзә дүшән кабаб…” күнҹ јазысы-сарсагламасы, чәрәнләмәси илә Елнарә ханымын нә истәмәси мәнә гаранлыг галды. Әҝәр, кимсә бу ҹызма-гарадан бир шеј анласа, хаһиш едирәм мәни дә нәзәрә алсын.
Галды дәрҝинин елә 4-ҹү сәһифәсиндәки “Азәрбајҹаны сатанлар вә сатыланлар” башлыглы сәрсәмләмә (јазар: Чинарә Вүгар). Мәгаләни охујан һәр бир охуҹу бу ханымын, гызын, зәнәнин һансы әхлаг-әдәбә малик олдуғуну ачыг-ашкар ҝөрәр.
Инди кечәк диҝәр чәрәнләмәләрә. Әввәлән билдирим ки, бу јазыја баш гошмаг истәмирдим (јазарын ханым олмасы вә сарсагламалар да сифаришли олмагла “ағ шалвара гара јамаг” кими ҝөрсәнмәсинә ҝөрә). Лакин, бурада ханым Лејла Јунуса гаршы “гара пиар” , Әли Кәримлијә һөрмәтсизлик, шәхсән биз диндарларын мүдафиәсинә галхдыглары үчүн тәнгидә мәруз галдыгларындан виҹдан вә әгидәм сусмамағы мәндән тәләб етди дејә тохунулмуш мәсәләләрә ајдыныг ҝәтирмәји өзүмә борҹ билдим. Белә ки, ханым Лејла Јунуса гаршы сәсләнән бөһтан, јалан, ифтира иттиһамлар тәһлүкәсизлик хидмәт органларынын диктәси илә олдуғу там чылпаглығы илә ҝөрсәнмәдәдир. Чинарә јазарын тохундуғу ҹинајәт характерли олајлар вә орада ады чәкилән хариҹи (ермәни, рус, Америка) хүсуси хидмәт органларынын әмәкдашлары барәсиндә анҹаг өлкәнин хүсуси хидмәт, әкс кәшфијјат органларындан бу адлары ҝөтүрмәк мүмкүндүр. Бурда мәним Лејла ханыма һансыса мәсләһәт, төвсијә вермәк фикрим јохду. Лакин, бирҹә шеји билдирмәк истәјирәм ки, һәм игтидар, һәм бәзи хариҹи өлкәләрин рәһбәрләринә Лејла ханымын тутдуғу јол, мөвге сәрфәли олмамагла, Чинарәнин ҝөстәрдији олајлар һәгигәт олса иди чохдан “сусдуруларды” радикал инсан һүгуг вә азадлыглары мүдафиәчиси. Даһа ону “зәрәр”-сизләшдирмәк үчүн евини, офисини јерлә јексан еләјиб, дүнјада гынанылмаздылар. Демәли һакимијјәт Чинарә кими чәрәнләмәчиләрдән “гара пиар” кими истифадә етмәклә ҹәмијјәти, иҹтимаијјәти аздирмаг гәнаәтиндәдир. Өзү дә бир сәрсәмләмә, ҹызма-гара илә үч һәдәф; һәм Лејла Јунус, һәм иҹтимаи палатада сајылыб сечилән Лидерләр, һәм дә “сијаси дустаг” мәсәләси. Бәли, “сијаси дустаг” мәсәләси бу ҝун Еуровисион әрәфәсиндә дүнјада ән чох диггәт јетирилән, сәскүјлү олмагла, Авропа, Асија вә еләҹә дә Русија, Америка, Түркијә, Иран өлкәләринин јүксәк ранглылары вә ҹәмијјәтләри тәрәфиндән Азәрбајҹандакы игтидар јеткилиләринә вә шәхсән өлкә рәһбәринә төвсијә вермәклә, һәм дә тәпки ҝөстәрмәдәдирләр. Галды ки, Чинарәнин; (Она ханым демәјә адамын нә исә дили ҝәлмир. Бәлкәм дә шејтанын өзүдүр. Ондан Моссад тәхрибатчы кими истифадә едә биләрди, нә ки, белә сарсаглама јаздырмаг лазым иди.)
“Лејла Јунус дејир ки, 2012-ҹи илин әввәлиндә онун һесабламаларына ҝөрә, ҝуја Азәрбајҹанда <<63 сијаси мәһбус>> вар вә онларын ҹинајәтләри сүбута јетирилмәјиб. Инди дејән ҝәрәкдир, ҝүнаһкар ола-ола һәбс олунанлар туманларыны башына чәкиб, чығырлар (мәнтигсиз, мәнасыз сөз јығыны). Неҹә олур ки, ҝүнаһсыз 63 нәфәрин сәси ҝәлмир. Лејла Јунус ҝаһ <<гондарма һиҹаб>> мәсәләсинә башыны сохар, ҝаһ да мүхалифәтин <<горујуҹу мәләји>> олур…” Валлаһ бу јазармы дејим, тәхрибатчымы дејим вә ја шејтанмы дејим, Чинарәнин сајыгламасындан бир шеј баша дүшмәдим. Бирҹә “…неҹә олур ки, ҝүнаһсыз 63 нәфәрин сәси ҝәлмир…” дејимин баша дүшдүм вә елә она да фикрими билдирмәји борҹ билдим.л
-Чинарә Вүгар, ја сизин бу ики илдә гәзетләри, сајтлары изләмәјә вахтыныз олмајыб (Бәлкәм дә бу дөврләрдә һансыса хариҹи өлкәләрин биринә тәхрибат үсулларыны өјрәнмәк үчүн ҝетмисиниз) , ја да сизә һәкимә мүраҹиәт етмәк лазымдыр ки, једијиниз һарамлар виҹданынызы, гәлбинизи ләкәләјиб. Ҝөзүнүзә вә гулағыныза да хәтәр јетириб ки, һәгигәти дәрк етмир, ҝөрмүр, ешитмир, нәтиҹәдә ағзыныздан чиркаб дашмагдадыр.Бүтүн дүнја диндарларын;- истәр 2010-ҹу илин “Хоҹалы Сојгырымы” әрәфәсиндә шәһидләр хијабанына ҝедән диндарларын вәһшиҹәсинә дөјүләрәк 5 нәфәрә үст-үстә 20 илдән чох һәбс гәти имкан тәдбири сечилмәси, истәрсә 7 мөмин мүтәддәјин руһани алим вә диндарларын Илһам Әлијев һакимијјәтини Језид һакимијјәти адландырараг дини инанҹлыларын һүгугларынын тапдаланмасы, истәр мәсҹидләрә олан мәнфи мүнасибәт, истәр һиҹаба гадаға, истәрсә коррупсија вә рүшвәтхорлуғун түғјаны, мәмур өзбашыналығы вә диҝәр инсанлыға јарашмајан һәрәкәтләрә етираз едәрәк бәјанатла чыхышларына ҹаваб олараг узун мүддәтли һәбсләри, мај ајында һиҹаба гадағаја вә еләҹә дә һәбс олунан мөминләрин азад едилмәсини тәләб едән минләрлә митинг иштиракчылары олан диндар топлума гаршы вәһшилик вә сонда 15 диндарын һәбси вә сонрадан бир нечә руһани алимин вә диндарларын һәбси ҝениш иҹтимаијјәт тәрәфиндән бу диндар топлумун ҝүнаһсызлығы билдириләрәк һеч бир шәртсиз филансыз азад едилмәсини тәләб етмәләри, һәтта өлкә башчысына 130.000 имзалы (өзү дә диндар гыз-ҝәлин, ана-ата, гардаш-оғул тәрәфиндән) мүраҹиәти һеч бир ҝүнаһы олмајан диндарларын азадлыға бурахылмасына чағырыш вә еләҹә дә зијалы елитанын, инсан һүгуг вә азадлыглары институту, тәшкилат вә бирликләрин рәһбәрләри, ајры-ајры өлкәләрдәки нүмајәндәләр вә ҝениш дүнја иҹтимаијјәтинин етираз бәјанатлары. Лакин, сиз ешитмә әзанызын насазлығы уҹбатындан белә чәрәнләмәдәсиниз. Бир дә, мән Күрдәханы исинтаг тәҹридханасында растлашдығым апрел (2011-ҹи ил) ајында һәбс олунан мүсәлман азадлыг мүҹаһидләри, фәдаиләринин әксәријјәти илә дәрди-дил етмиш, јахындан таныш олмушам. Мәтбуатдан да мәлум олдуғу кими, онларын һансыса полисә, мәмура гаршы ҝүҹ ишләтмәси, һараныса сындырыб дағытмасы вә еләҹә дә һансыса башыпозуглуг һаллары гејри-мүмкүн олмагла, мәһкәмә просеси заманы да ҝүнаһсызлыглары там олду. Мән өзүм һәм рајонда, һәм дә Бакыда кечирилән чохлу митинг вә пикетләрдә иштирак едәнәм. Тәхрибати һәрәкәтләр горхаглар тәрәфиндән баш верир. Вә одур ки, һәр һансы етираз аксијасыны ҝөздән салмаг, башыпозуглуг јаранмасы үчүн горхаг игтидар тәхрибати дәстәдән јарарланыб вә бунлардан белә һәрәкәтләр ҝөзләниләндир. Вә һәмчинин бир нечә јазар вә мүхбирләр һәбс олунуб ки, онларын бир нечәси илә дә растлашмышам. Әвәз Зејналлы, Анар Бајрамлы, диндар шәхсләрдир. Һесабатлары Аллаһу-Тәалајадыр. Вә һәмчинин иҝид, горхмаз олмагла әдаләтсизлијә гаршы олублар. Вә мән белә билирәм бундан сонра да өз әг
