Әһли Бејт -АБНА- хәбәр аҝентлијинин вердији хәбәрә әсасән өтән һәфтә Сабирабадда әлијевләр режиминин зүлмүнә гаршы етиразларын галхма нөгтәсинә чевирилән Минбашы кәнд иҹра нүмајәндәлијиндә “сабитлији” бәрпа етмәк үчүн һөкумәт даирәләри әкс аддым атмаға башлајыб.
Белә ки, базар ҝүнү нүмајәндәлик әразисиндә 3 нәфәр гәфләтән һәбс олунуб. Онлардан бири Ҝүлверди Маһмудов әхлагсызлыг јувасы сахламагда, Мәнсур Јолчијев вә Ҹавид Һаҹыјев исә әнәнәви олараг режим тәрәфиндән наркотик истифадәсиндә иттиһам олунур. Һәбси режимин Бакыдан ҝәлән “гара маскалы” хүсуси дәстә ҝерчәкләшдириб.
Кәнддәки мәнбәләр һәбсин мотивләрини гурама сајыр. Онлар бу һадисәни ҹамаатда хоф јаратма планы кими дәјәрләндирирләр. Мәнбәләр билдирир ки, “гара маскалы”лар әмәлијјатдан сонра ҝүндүз саатларында да кәнд ичиндә ҝәзмәклә инсанлара психоложи тәсир ҝөстәрирләр.
Һәбс олунанларын шәхсијјәтинә ҝәлинҹә, билдирилир ки, Ҝүлверди Маһмудов кәндин кәнарында хырда, учуг јемәкхана саһибдир.
Онун ҹәзаландырылмасына әсас сәбәб аксијаларын тәшкилатчылығында тутдуғу фәал мөвгедир. Һәбс олунан о бириләри исә кечән һәфтә иҹра һакимијјәти үнванына кәскин шүарлар сәсләндирмәләри илә јадда галыб.
Диггәт: Хәбәрдән истифадә етдикдә мәнбәјә истинад лазымдыр
