Әһли Бејт -АБНА- хәбәр аҝентлијинин вердији хәбәрә әсасән Русија Ислам Комитәсинин сәдри Философ Һејдәр Ҹамал Русијанын бир груп зијалы вә диндар тәбәгәси илә 9 апрелдә Иран Ислам Республикасына сәфәр едәрәк мүгәддәс Гум шәһәриндә тәглид мәрҹәси олан Ајәтуллаһул-Үзма Шејх Нури Һәмәдани ҹәнаблары илә ҝөрүш кечиртмишдир.
Ҝөрүшдә Һејдәр Ҹамал Ајәтуллаһ Нури Һәмәдани ҹәнаблары илә Русија Ислам Комитәсинин фәалијјәтләридән, Русидакы Мүсәлман вә Шиәләрин дурумдан данышараг тәглид мәрҹәсинә деди: “Русијада хејли мигдарда Мүсәлман јашајыр. 17 ил өнҹә Русија Мүсәлманларынын проблемләрини асанлашдырмаг наминә Ислам Комитәсини тәсис етдик.”
Философ Һејдәр Ҹамал Иарн Ислам Ресубликасына дәфәләрлә сәфәр етдијинә ишарә едәрәк билдирди: “Сон 20 илдә мән дәфәләрлә Иран Ислам Республикасына сәфәр етмишәм. Вә Һаҹы Әһмәд Аға Хомејни, Ајәтуллаһ Мишкини, Ајәтуллаһ Тәсхири кими бөјүк шәхсијјәтләр илә танышлығым вә достлуг әлагәләрим олуб вә јенәдә вардыр.”
Һејдәр Ҹамал даһа сонра Ислам Комитәсиндәки тутдуғу ағыр мәсулијјәтли вәзифәсинә ишарә едәрәк деди: “Русија Мүсәлманларынын әксәријјәти сүннү мәзһәбинә гуллуг едир. Лакин бизим комитә хас бир мәзһәбин нүмајәндәси дејилдир. Һал һазырда мән мүһүм бир вәзифәни өһдәмә ҝөтүрмүшәм. Сүнни илә Шиә арасында олан ихтилафлы мәсәләләри арадан галдырмағы да өзүмә борҹ билирәм. Сүнни вә Шиәләр мүтләг Исламдакы мүштәрәк мәсәләләрә бахмалы вә ихтилафлы мәсәләләри габардмагдан чәкинмәлидирләр. Јалныз бу тәгдирдә сионист гүввәләринин Ислам дүнјасына гаршы төкдүјү планлары боша чыхаҹагдыр.”
Һејдәр Ҹамал бир даһа Ајәтулла Нури Һәмәдани ҹәнабларына хитаб едәрәк деди: “Биз Мүсәлманлар арасында вәһдәтин јарадылмасы јөнүмүндә апарылан бүтүн ишләрдә ахыраҹан варыг. Вәзифәмизи һәјата кечиртмәкдә дә Аллаһ Тәалаја тәвәккүл едирик. Әлбәтдә ки, сизин дә бу јөндә бизә верәҹәјиниз мәсләһәтләрә чохлу еһтијаҹымыз вардыр.”
Сонда русијалы политолог, фәлсәфә елимләр намизәди профессор Александр Дугин өз нөвбәсиндә Ајәтуллаһул-Үзма Шејх Нури Һәмәдани ҹәнабларынын 2011-ҹи илин нојабыр ајында Русијаја етдији сәфәриндән мәмнун галдығыны билдирәрәк деди: “Өз нөвбәмдә там гүдрәтимлә ики дөвләт зијалыларынын фикир мүбадиләсинин ҝенишләнмәси уғрунда әлимдән ҝәләни әсирҝәмәјәҹәјәм”.
Диггәт: Хәбәрдән истифадә етдикдә мәнбәјә истинад лазымдыр
