Әһли Бејт -АБНА- хәбәр аҝентлијинин вердији хәбәрә әсасән Авропада шаҝирдләрин мәзун ола билмәси үчүн дин дәрсиндән имтаһан вермәләри зәруридир. Хәбәрдә мәктәбләрдә дин дәрси кечән мүәллимләрин вә ја дин хадимләрин маашларынын дөвләт тәрәфиндән өдәнилдији әкс олунуб.
Мүтәхәссисләр Авропа өлкәләриндә дин дәрсләринин иҹтимаи сабитлијин вә сүлһүн әлдә олунмасындакы әһәмијјәтиндән долајы кечилдијини вә дөвләтин сөзүҝедән дәрсләрә бөјүк мадди јардым ҝөстәрдијини билдирирләр. Һабелә онлар бу дәрсләрин кечилмәсиндә килсәнин мүһүм рол ојнадығыны да гејд едирләр.
Австријанын Вјана университетинин Педагоҝика факүлтәсинин шөбә мүдири проф. Еднан Аслан Авропада дин дәрсләринин мәктәбдән мәзун олма вә синифдән синифә кечмә мәсәләсиндә һәлледиҹи амил олдуғуну дејиб. Аслан кечиләҹәк дәрсләрин мүвафиг динләрин нүмајәндәләри тәрәфиндән мүәјјән едилдијини, мүәллимләрин иҹмалар тәрәфиндән тәјин олундуғуну, маашын исә дөвләт тәрәфиндән өдәнилдијини билдириб.
Диггәт: Хәбәрдән истифадә етдикдә мәнбәјә истинад лазымдыр
