Әһли Бејт -АБНА- хәбәр аҝентлији- “Хрушшовкалар” 60-ҹы илләрдә тикилибләр. Анҹаг онлардан әввәл дә тикилән биналар вар. “Италјанкалар”, “алман лаһијәләри”, “франсыз лаһијәләри”, “сталинкалар” вә с. бу сырададыр. Тәбии ки, јени тикинти планында көһнә лаһијәләр өз әксини тапмајаҹаг вә бу биналарын сөкүлмә еһтималы вар. Анҹаг бу заманла баш вермәлидир. Дүшүнүрәм ки, “франсыз лаһијәләр” вә “италјанкалар” бу ҝүнүн тәләбләринә ујғун дејил”. - бу сөзләри бизимјол гәзетинә дашынмаз әмлак үзрә експерт Нүсрәт Ибраһимов билдириб. Онун сөзләринә ҝөрә, 2-5 мәртәбәли бу биналарын өлчүләри кичикдир, пилләкән системләри пис вәзијјәтдәдир, таванлары алчагдыр, истилик системләри исә демәк олар ки јохдур. “Онларда јашајыш да чох аздыр. Әһалинин бир гисми көчүб башга евләрә. “Хрушшовкаларын” сөкүлмәси исә икинҹи мәрһәләдә апарыла биләр. Бу биналар һәлә 15-20 ил хидмәт едә биләрләр. Ардынҹа исә “сталинкалар” вә с”.
Хатырладаг ки, бир мүддәтәдир Совет дөврүндән галма биналарын Бакы шәһәринин ҝәләҹәк планында неҹә әкс олунмасы илә бағлы мүбаһисләр ҝедир. Бир мүддәт өнҹә мәтбуата ачыглама верән Дөвләт Шәһәрсалма вә Архитектура Комитәсинин сәдр мүавини Дөвләтхан Дөвләтханов билдирмишди ки, "хрушшовка"ларын експлуатасија мүддәти һәлә битмәјиб вә бу биналарын "тәҹили сөкүнтү"сүнә еһтијаҹ јохдур. Баш назирин мүавини Абид Шәрифов исә һазырда Азәрбајҹанда "хрушшовка"ларын сөкүнтүсү мәсәләсинә бахылмадығыны билдирмишди.
Ҝүнел
Диггәт: Хәбәрдән истифадә етдикдә мәнбәјә истинад лазымдыр
