Әһли Бејт -АБНА- хәбәр аҝентлији- Лимит долса, “Кристалл Һалл”да тағыәһмәдовлар нәвәләринә сүннәт тоју-филан етмәли олаҹаг.
Јевровижн...
Бакы... 2012...
Ҝүндәликдә дуран ән проблематик мәсәлә будур...
Гарабағ-зад јаддан чыхыб. Бакы Јевровижнә һазырлашыр...
Елә бил гарымыш бир гызын бәхти ачылыб, ата-ана һәјәҹан кечирир...
Бу, тәбии ки, севинҹ һәјәҹаныдыр...
Тојдан һәм дә пуллар јығылаҹаг...
Һакимијјәтин "Еуровисион-2012" һәјәҹаны бу мәнзәрәни хатырладыр...
Вә бу вариант да истисна дејил ки, гарымыш гызын елчиләри јары јолдан гајыда биләр...
Јәни Авропалылар өз “висион”ларына инсан һагларынын мәһдудлашдырылдығы, сөз азадлығынын боғулдуғу, коррупсионер бир һакимијјәтин идарә етдији өлкәнин ҝүзҝүсүндән бахмаг истәмәсинләр... Артыг авропалылар бунунла бағлы илк һәјәҹан тәбилини дә чалыб: “Белә бир өлкәдә Еуровисион кечирмәк олмаз . Бурда инсан һаглары кобуд шәкилдә позулур, коррупсија баш алыб ҝедир. Вә о вахт Австриа Мадрида Франҹо диктатор режими бојкот етди, бу ҝүн дә бүтүн дунја Бакыда Еуровисиону бојкот етмәлидир!”
Тәк бир бәјанат олсајды, биртәһәр јола вермәк оларды... Аз. Тв-нин, Лидерин вә с. нә дон ҝејдирмәсиндән асылы олмајараг, һәмин донун “разрез”индән Авропанын “чылпаг балдырлары” ҝөрүнүр. Будур, дүнја дөвләтләри Азәрбајҹанла неҹә лазымдырса, мәзәләнир. Лондон бир гоҹа кафтары бизим Еуровисиона ҝөндәрир. Русија да сују соғулмуш, өзләри демиш, “списат” олмуш гарылары. Бир фаҹебоок достум јазыб ки, бизимкиләр мамлы-матан гызлары Авропаја ҝөндәрир, онлар да сырадан чыхмыш гоҹалары бизә сырыјыр... )))
Вә ҝәлин, аҹы бир реаллыгла барышаг ки, бу, Азәрбајҹана олан мүнасибәтин тәзаһүрүдүр. Һәлә мәсәләнин башга бир тәрәфи дә вар. Бизимкиләр мүһарибә әвәзинә, чал-чағыра һазырлашмагларында олсун, дүнја өлкәләри бурда иштиракдан имтина етмәкдә. Ермәнистан артыг имтина етди, Данимарка да һәмчинин. Лимит исә, дејиләнә ҝөрә 5-ә гәдәрдир. Јәни лимит долса, “Кристалл Һалл”да тағыәһмәдовлар нәвәләринә сүннәт тоју-филан етмәли олаҹаг. )))
Бу о демәкдир ки, чәкилән бу гәдәр хәрҹ батаҹаг, Бакы Еуровисиона, биз исә ермәниләрин ҝәлмәдијинә ҝөрә Гарабағ Азадлыг Тәшкилатынын “консерт”инә һәсрәт галачағыг. ))
Дүнја дөвләтләри һакимијјәтимиздәки памперсли “пенсионер”ләрә бахыб бизә онларын тај-тушларыны ҝөндәрир. Мәсәлән, Еуровисион Ҝүрҹүстанда вә ја јекәбаш Авропа дөвләтләринин бириндә кечирилсәјди, биз рисг едиб оралара Ләнкәранын “Нәнәләр” групуну ҝөндәрә билмәздик. Һәм мәғлубијјәти ҝөзүмүзүн гаршысына ҝәтирәр, һәм дә өз адымыза, һәмин өлкәнин адына, имиҹинә ујғун ифачы ҝөндәрәрдик. Бунлар исә бүтүн мәнәви дәјәрләрә түпүрүб ҝөндәрир. Һеч олмаса, үстүндә Севда Әләкбәрзадәдән-заддан да ҝөндәрмирләр ки, бир бизимкиләрин дә ҝөзләри бајрам еләсин...
Белә бир мәсәл вар: шир гоҹаланда мешәјә өтүрәрләр. Ҝөрүнүр, Азәрбајҹанын ҹәнҝәллик ганунлары илә идарә олундуғундан артыг бүтүн дүнјанын хәбәри вар. Одур ки, гоҹалыб һејдән дүшмүшләрини бура ҝөндәрирләр...
Бүтүн бу јаздыгларыма өтәри нәзәр салыб, ҹидди-ҹәһдлә Јевровижнә һазырлашанларымызын шәрәфинә бу ҹүмләни дә әлавә едирәм: Нә ҝүндәсиз, ала?! ))))))))))
Хураман Һүсејнзадә
Диггәт: Хәбәрдән истифадә етдикдә мәнбәјә истинад лазымдыр
