Әһли Бејт -АБНА- хәбәр аҝентлијинин вердији хәбәрә әсасән Милли Тәһлүкәсизлик Назирлији Ҝәнҹәдә һәјата кечирилмиш әмәлијјатла бағлы рәсми мәлумат јајыб.
Милли Тәһлүкәсизлик Назирлији тәрәфиндән һәјата кечирилмиш әмәлијјат тәдбирләри нәтиҹәсиндә Азәрбајҹан Республикасында иҹтимаи-сијаси сабитлији позмаг вә әһали арасында ваһимә јаратмаг мәгсәдилә тәхрибат-позуҹулуг вә бир сыра террорчулуг аксијаларыны планлашдыран ганунвериҹиликлә нәзәрдә тутулмајан силаһлы бирләшмәнин 17 үзвү ифша едиләрәк јахаланыб.
МТН-ин Иҹтимаи Әлагәләр Мәркәзиндән ҹүмә ҝүнү Тренд-ә верилән мәлумата ҝөрә, Бакы, Ҝәнҹә, Сумгајыт шәһәрләриндә, еләҹә дә Гах, Загатала, Шәки вә Гусар рајонларында һәјата кечирилмиш хүсуси әмәлијјат тәдбирләри нәтиҹәсиндә силаһли бирләшмәнин сахланылмыш үзвләриндән террор-тәхрибат аксијаларында истифадәси нәзәрдә тутулан 4 әдәд "АКМ" типли автомат силаһ, 1 әдәд "РПК" типли пулемјот, 2 әдәд "Макаров", 1 әдәд "Наган", 1 әдәд "Стечкин" типли тапанҹалар, 2 әдәд "Карабин" типли түфәнҝ, 6 әдәд ҝүллә илә долу тапанча дарағы, 300 әдәд мүхтәлиф чаплы патрон, 31 әдәд әл гумбарасы, 15 әдәд узагдан идарә едилән партлајыҹы гурғу, 3 әдәд детонатор, күлли мигдарда партлајыҹы маддә олан пластид, 3 әдәд автомат силаһ үчүн дараг, 30 әдәд "Кенwоод" маркалы рабитә апараты, 3 әдәд сүнҝү бычағы, террорчулуғу вә ҹиһады тәблиғ едән әдәбијјат, һабелә ганунла гадаған едилмиш хејли сајда һәрби ләвазимат вә диҝәр әшјалар ашкар едиләрәк ҝөтүрүлүб.
Ҝәнҹә шәһәриндә һәјата кечирилмиш әмәлијјат тәдбирләри заманы Милли Тәһлүкәсизлик Назирлијинин "Гартал" хүсуси тәјинатлы дәстәсинин әмәкдашларына гаршы шиддәтли силаһлы мүгавимәт ҝөстәрилиб. Тәслим олмаг барәдә гануни тәләбә табе олмајан шәхсләр тәрәфиндән хүсуси тәјинатлылара одлу силаһлардан атәшләр ачылыб вә әл гумбарасы атылыб. Нәтиҹәдә Милли Тәһлүкәсизлик Назирлијинин бир әмәкдашы һәлак олуб вә 3 әмәкдашы мүхтәлиф дәрәҹәли бәдән хәсарәтләри алыб. Хидмәти вәзифәләринин јеринә јетирилмәси илә әлагәдар һакимијјәт нүмајәндәсинә гаршы һәјат вә сағламлыг үчүн тәһлүкәли олан зор тәтбиг етмәклә силаһлы мүгавимәт ҝөстәрән шәхсләрдән бири мәһв едилиб, бири јараланыб, групун даһа ики үзвү исә јахаланыб.
Фактла бағлы Милли Тәһлүкәсизлик Назирлији Истинтаг Баш Идарәси тәрәфиндән Ҹинајәт Мәҹәлләсинин мүвафиг маддәләри үзрә ҹинајәт иши башланылыб. Истинтаг-әмәлијјат тәдбирләри давам етдирилир.
P.S. Вәзифә борҹуну јеринә јетирән һәмвәтәнләрин аз әввәл сахта силаһ вә наркотика иттиһамы илә јүзә јахын шиә мүсәлманы һәбсә алмасы һазыркы әмәлијјата мүнасибәтдә дә шүбһә јарадыр. Бүтүн өлкә билир ки, һиҹаб јасағы контекстиндә һәбс олунмуш диндарларда нә силаһ олуб, нә наркотика. Силаһ олсајды Ҝәнҹәдәки кими ачыларды, наркотика олсајды диндарлыг олмазды. Ҝөрән бу ҝүн итки верән МТН мәсуллары шәрләдикләри һиҹаб мәһбусларына ҝөрә азҹа да олса хәҹаләт чәкирми? Буҝүнкү һадисәләр өтән бөһтанларын әкс-сәдасы дејил ки?
Диггәт: Хәбәрдән истифадә етдикдә мәнбәјә истинад лазымдыр
