Әһли Бејт -АБНА- хәбәр аҝентлијинин вердији хәбәрә әсасән әлијевләр режимин тәһлүкәсизлик структуру сајылан МТН-нин тәҹридханасында сахланылан илаһијјатчы Абҝүл Сүлејманова апрелин 6-да јени иттиһамлар елан олунуб. Мәлуматы верән вәкил Анар Гасымлы ејни ҝүндә һәмчинин истинтагын да битмиш елан олундуғуну дејиб.
Индијә гәдәр Абҝүл Сүлејманов мөвҹүд режим тәрәфиндән 234.4.3-ҹү (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә ШӘРЛӘНИЛИРӘК ҝүнаһландырылырды. Јени ҝондарма иттиһамларда исә Ҹинајәт Мәҹәлләсинин 283.2.1 (Зор тәтбиг етмәклә вә ја зор тәтбиг етмә һәдәси илә төрәдилдикдә милли, ирги, сосиал вә ја дини нифрәт вә дүшмәнчилијин салынмасы) вә 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәләри илә бир даһа ШӘРЛӘНИЛИР.
Анар Гасымлынын сөзләринә ҝөрә, гондарма Ҹинајәт Мәҹәлләсинин 283.2.1-ҹи маддәси Абҝүл Сүлејмановун 2010-ҹу ил нојабрын 27-дә Бакынын “Папанин” кими танынан мәһәлләсиндә етдији чыхышы илә бағлыдыр: “Диҝәр јени иттиһам исә 2011-ҹи ил мајын 6-да Тәһсил Назирлијинин гаршысында тәшкил олунмуш “Һиҹаба азадлыг!” аксијасына ҝөрәдир. Иттиһамда јазылыб ки, Абҝүл Сүлејманов 27 нојабр чыхышындан сонра вәтәндашлар назирлијин гаршысында аксија кечирибләр вә Абҝүл Сүлејманов һәмин аксијанын фәал иштиракчыларндан бири олуб”.
Хатырладаг ки, Һаҹы Абҝүл Сүлејманов 2011-ҹи илин август ајындан әлијевләр режими тәрәфиндән амансыз зоракылыглара, дүшүнҹә вә сөз ифадәләринин гадағасына, ганун чәрчивәсиндә азад һәјат сүрмә гадағасына мәруз галараг, дини мәнсубијјәтинә ҝөрә һәбс едилмишдир.
Диггәт: Хәбәрдән истифадә етдикдә мәнбәјә истинад лазымдыр
