Әһли Бејт -АБНА- хәбәр аҝентлијинин вердији хәбәрә әсасән өз шәри вәзифәсини һәјата кечиртмәкдә һеч бир мәһдудијјәтә сығмајан Тәглид Мәрҹәләри Илаһи Һөкмү олдуғу кимин инсанлара чатдырырлар. Белә ки, Тәглид Мәрҹәси олан Ајәтуллаһ Ҹәфәр Сүбһани ҹәнаблары апрелин 3-дә Иран Ислам Республикасынын Азад Ислам Университетинин ректору Фәрһад Данешҹу илә ҝөрүшүндә бир сыра әсас мәсәләләрә тохунуб.
Ајәтуллаһ Ҹәфәр Сүбһани ҝөрүш заманы билдириб ки, али тәһсил оҹагларында чалышан мүәллимләр ја өзләрини һакимијјәт вә Ислама ујғунлашдырмалыдыр, ја да ишдән чыхарылмалыдыр: “Мөмин мүәллимләр университетләрдә галыб ишләмәлидирләр. Илаһи Һакимијјәтә, ингилаб вә Ислама ујғунлашмајанлар исә бу тәһсил оҹагларындан тәҹрид едилмәлидирләр”.
Ајәтуллаһ Сүбһани һәзрәтләри һәмчинин шәри вә писхоложи бир мәсәләјә тохунараг али тәһсил оҹагларында тәләбә гыз вә оғланларын бир јердә, ејни аудиторијада тәһсил алмасына гаршы олдуғуну бәјан едиб: “Университетләрдә мөвҹуд проблемләрдән бири дә тәләбә гызларла оғланларын бир-биринә гарышмасыдыр. Һесаб едирәм ки, университетләрдә тәләбә гызлар үчүн ајрыҹа бөлмә јарадылмалыдыр”
Диггәт: Хәбәрдән истифадә етдикдә мәнбәјә истинад лазымдыр
