Әһли Бејт -АБНА- хәбәр аҝентлијинин вердији хәбәрә әсасән Бакы Метрополитени әразисиндә ки, тиҹарәт објектләриндә Ислами атрибутларын сатышына гадаға гојулуб. Бу гадаға рәсмән 2 Апрел 2012-ҹи илдән башлајыб. Мәлуматы инанҹлы мүсәлманлардан бири Азадхебер.аз сајтына хәбәр вериб.
Сајтынын әмәкдашы бу мәсәлә илә бағлы метрода тиҹарәт едән вә Ислама аид маллар сатан инанҹлылар арасында сорғу кечирәркән бу мәсәләнин дәгиг олдуғуну ајдынлашдырыб. Дини маллар сатан дүкан саһибләриндән бири Азадхебер.аз сајтынын әмәкдашына һадисәни бу ҹүр данышды:
Дүкан саһиби: "Тиҹарәт објектләринә нәзарәт едән зәнҝ едиб мәнә деди ки, Мәшәди дүканда сатдығын бүтүн дини маллары јығышдырмалысан. Мән сорушдум сәбәб нәдир? Нијә јығышдырым? Деди ки, тәҹили јығышдыр,јада бағла һәләлик телефон сөһбәти дејил. Ҝәләрәм ора данышарыг."
Метрода дүканлара нәзарәт едән Дөвләт гуллугчусу: "Гардаш бизә рәсмән билдириш ҝәлиб јухарыдан ки, Метрополитенин әразисиндә олан бүтүн дини маллар јығышдырылмалыдыр. Сәбәбин демәјибләр. Билмирәм нә мәсәләдир. Амма хаиш едирәм сөз-сөһбәтин онсузда јери јохдур Ја зорла ја хошлугла јығышдырмалысан. Һиҹаб, Тәсбеһ, Гибләнамә, Намаз тәгвими, Аллаһ вә Мүһәммәд (ә) јазылан нимчәләр, рамкалар үмумијјәтлә Ислам атрибутуну әкс етдирән вә Аллаһы јада салан нә варса һәр шеј јығышдырылмалыдыр. Бизлик дејил мәндә намаз гыланам амма ҝизли гылырам нејләјим гардаш. Ҝуја мәнә хошдур? Әҝәр ҝөрсәләр сәнин малларыны мүсадирә едәҹәкләр мәнә исә ҹинајәт иши ачылаҹаг ја да ишимдындә олаҹам. Мәнлик бир шеј јохдур. Тапшырыг јухарыдандыр."
Дүкан саһиби: "Онда бәс Христианларын Хач ишарәси олан һәдијјә вә јахуд Јәһудиләрин давуд улдузу олан һәдијәләр сатсам вә диҝәр әхлагсыз сувенирләр сатсам неҹә? Она бир сөз демәзләр?"
Метрода дүканлара нәзарәт едән Дөвләт гуллугчусу: "Нә истәсән сат бирҹә Ислама аид һечнә олмасын. Валлаһ мәнлик дејил. Бизә билдириш ҝәлиб беләдә олмалыдыр."
Диггәт: Хәбәрдән истифадә етдикдә мәнбәјә истинад лазымдыр
