Әһли Бејт -АБНА- хәбәр аҝентлијинин вердији хәбәрә әсасән базар ертәси ҝүнүн икинҹи јарысында режим Шәмси Бәдәлбәјли күчәси, 20 үнванында јерләшән евин сакинләринин депортасијасыны баша чатдырды. Ики јашлы гадын - Нүшабә Фәтуллајева вә Афаг Исмајылова һәлә дә бу бинада јашајырдылар. Онлар тәклиф олунан компенсасија илә разылашмадыглары үчүн көчмәкдән имтина едирдиләр. Бундан башга, онлар рајон мәһкәмәсинин мүбаһисә һәлл олунана гәдәр көчүрүлмәнин дајандырылмасы һаггында гәрары илә әлагәдар евдән чыхарылмалары ҹәһдләринә сон гојулмасыны тәләб едирдиләр.
Лакин, артыг дәфәләрлә олдуғу кими, режимин Бакы меријасынын вә Нәсими рајон иҹра һакимијјәтинин ишчиләри статусу бәлли олмајан бир груп ҝәнҹлә бирликдә, фактики олараг, һәр ики гадыны күчәјә атыблар.
Бундан сонра екскаватор онларын евини сөкмәјә башлајыб. Һәр ики гадын шок һалында хәстәханаја јерләшдирилибләр. Бу заман онлардан биринин ајағы сыныб, диҝәри башындан хәсарәт алыб.
Журналистләр вә бәзи мүхалиф сијаси партијаларын нүмајәндәләри һакимијјәт нүмајәндәләринин ганунсуз әмәлләринә мане олмаг истәјибләр. Лакин онларын мүдахиләси јалныз баш верәнләрин журналистләр тәрәфиндән ишыгландырылмасына имкан јарадыб. Онлар бинанын сөкүнтүсүнә мане ола билмәјибләр.
Баш верәнләрлә бағлы шәрһ верән вәкил Фуад Ағајев Турана билдириб ки, һакимијјәт сакинләрин гануни һүгуг вә тәләбләри илә һесаблашмаг нијјәтиндә олмадығыны нүмајиш етдирмәк үчүн ачыг-ашкар кобуд ганун позунтуларына әл атыр.
Хатырладаг ки, сөзүҝедән күчәдә, һабелә она битишик Фүзули, Мирзаға Әлијев күчәләриндә артыг 2 илә јахындыр ки, мәнзил сөкүнтүсү ҝедир. Бүтүн бу мүддәт әрзиндә минләрлә аиләнин әмлак һүгуглары позулуб. 300-ә јахын вәтәндаш артыг Страсбург Мәһкәмәсинә иддиа вериб.
Диггәт: Хәбәрдән истифадә етдикдә мәнбәјә истинад лазымдыр
