Әһли Бејт -АБНА- хәбәр аҝентлијинин вердији хәбәрә әсасән апрелин 2-дә әлијевләрин Милли Мәҹлисиндә «Авронест» Парламент Ассамблејасынын Сосиал мәсәләләр, Тәһсил, Мәдәнијјәт вә Вәтәндаш ҹәмијјәти үзрә Комитәсинин иҹласы кечирилиб.
Иҹласда гурума үзв өлкәләрин парламентариләри илә јанашы тәһсил назири Мисир Мәрданов, мәдәнијјәт вә туризм назири Әбүлфәз Гарајев, Омбудсман Елмира Сүлејманова, һәмчинин вәтәндаш ҹәмијјәтинин нүмајәндәләри иштирак едиб.
әлијевләр режими тәдбирин башчылығын мәһз аәзрбајҹанлыларын ганына булашмыш ермәни сепаратчы депутатлара вериб. Вә тәдбири ишғалчы ермәни депутат Сафарјан апарыб. Ҝүнаһсыз Азәрбајҹан гадын вә ушагларыны гәтлә јетирән ермәни вандалларынын рәсмиси Азәрбајҹанда, еләҹә дә Милли Мәҹлисдә әлијевләр тәрәфиндән сәмими вә исти шәкилдә гаршыландыгларыны, буна ҝөрә мәмнун олдугларыны вә Азәрбајҹан һөкумәтинә тәшәккүр етдикләрини билдириб.
Иҹласда вәтәндаш ҹәмијјәтинин нүмајәндәси олараг иштирак едән Лејла Јунус дәрсликләрлә бағлы мәсәләјә вә Омбудсманын фәалијјәтинә тәнгиди мүнасибәт билдириб. “Мән өзүм тарихчијәм. Тарих китаблары совет вахтында олдуғу кими галыб. Совет вахтында Коммунист Партијасынын иҹласларынын һарда вә нә вахт кечирилдији барәдә суаллара о вахт китаблар ҹаваб верирди, анҹаг тарихи өјрәнмәк о китаблардан мүмкүн дејилди. Инди дә ејни шеј баш верир. Һејдәр Әлијевин аиләси илә бағлы һансы суалы версәниз, ушаглар асанлыгла ҹаваб верәҹәкләр. Амма тарихлә бағлы суаллара ҹаваб верә билмирләр”, - дејә Л.Јунус тарих дәрсликләри илә бағлы мүзакирәјә гатылыб.
Л.Јунус даһа сонра һакимијјәтин вәтәндаш ҹәмијјәти илә әмәкдашлыг етмәдији һагда данышыб. “Белә бир әмәкдашлыг јохдур. Бурада мүстәгил ГҺТ олмаг чох чәтиндир. Омбудсманла исә үмумијјәтлә, әмәкдашлыг јохдур Омбудсман апараты өз миссијасыны јеринә јетирмир: һәбс јерләриндә ишҝәнҹә мәсәләсини галдырмыр. Ән јахшы һалда омбудсман апараты ДИН-ә мәктуб ҝөндәрмәклә кифајәтләнир. Омбудсман апараты Нахчыван аеропортунун 26 јашлы әмәкдашы Тураҹ Зејналов һәлак олдуғу заман да һеч нә етмәјиб”.
Һүгуг мүдафиәчиси һүгуг-мүһафизә органларында вәтәндашлара ишҝәнҹәләрдән вә сакинләрин евләринин дағыдылмасындан да бәһс едиб. “2008-дә 10, 2009-да 12 нәфәр ишҝәнҹәдән өлүб. Бакыда 2009-ҹу илдән бәри 60 мин нәфәрин еви дағыдылыб. Бу, мүһарибәдән дә писдир. Полис ишҝәнҹә тәтбиг едир, дөјүр, евләр дағыдылыр”.
Тәдбирдә Игтисади Тәдгигатлар Мәркәзинин рәһбәри Губад Ибадоғлу да чыхыш едиб. О, вәтәндаш ҹәмијјәтинин өлкәдә проблемләрлә баш-баша галдығыны сөјләјиб: “Бу ҝүн гејдијјатында сүни проблемләр олмасы сәбәбиндән вәтәндаш ҹәмијјәтләринин сајы 3 минә белә чатмајыб. Тәбии ки, бу, өлкәнин потенсиалы илә мүгајисәдә чох ашағыдыр. Икинҹи ваҹиб проблем одур ки, бүтүн грантлар, дахилдә ајрылан вәсаитләр фәргинә вармадан мәркәзләшдирилмиш гајдада Әдлијјә Назирлијиндә гејдијјатдан кечирилмәлидир. Бу да вәтәндаш ҹәмијјәтинә нәзарәт имканлары јарадыр. ГҺТ-ләрин гејдијјаты да мәркәзләшмиш гајдада јалныз Әдлијјә Назирлији тәрәфиндән һәјата кечирилир ки, бу да үзв олдуғумуз Авропа Шурасынын тәләбләринә ҹаваб вермир”.
P.S. Гејд едәк ки, әлијевләр ермәни ишғалчыларынын әмринә табе олараг Азәрбајҹан Уғрунда Шәһид Олмуш иҝидләрин Шәһидләр Хијабанындакы мәзарларыны зијарәт етмәкдән ваз кечдиләр
Диггәт: Хәбәрдән истифадә етдикдә мәнбәјә истинад лазымдыр
