Әһли Бејт -АБНА- хәбәр аҝентлијинин вердији хәбәрә әсасән Апрелин 1-дә бир груп такси сүрҹүсүнүн әввәлҹәдән елан етдикләри Режимин Нәглијјат Назирлији гаршысында кечириләҹәк етираз аксијасына полис мане олду.
Совет машынларынын такси фәалијјәтини гадаған едән гәрара етираз едән сүрүҹүләр назирлик гаршысына топлашмаға ҹәһд етдиләр. Лакин, пајтахт полиси оналара мүдахилә едәрәк аксијанын гаршсыны алды. Гејд едәк ки, полис сәһәр саатларындан бинаны әһатәјә алмышды. Әтрафда мүһафизә ҝүҹләндирилмишди. Ҝүнорта саатларында әразидә пост патрул машынларынын сајы 34-ә чатдырылды. Әразијә әлавә мүлкү ҝејимли полисләр ҝәлди.
Саат 14-дә Фөвгәладә Һаллар Назирлијинин Бакы реҝионал шөбәсинин гаршысында топланан бир груп сүрүҹү нөвбәти дәфә Нәглијјат Назирлијинә етираларыны билдирмәк үчүн назирлијин бинасынын гаршысына ҝетмәк истәди. Анҹаг полис гүввәләри онларын гаршысыны кәсәрәк сүрүҹүләрин назирлијә јахын ҝетмәләринә имкан вермәди. Бу групу да дағытмаға мүвәффәг олан полис әразидә мүһафизәни даһа да ҝүҹләндирди.
Хатырладаг ки, сүрүҹүләр Нәглијјат Назирлијинин көһнә машынларда такси хидмәти ҝөстәрмәји јасагламасындан сонра ајаға галхыблар. Бир нечә дәфә издиһамлы аксија кечирибләр. Инди дә һөкүмәтин бу “ислаһат”ынын онлара баһа баша ҝәлдијини, аиләләринин чөрәксиз гојдуғуну дејирләр.
Диггәт: Хәбәрдән истифадә етдикдә мәнбәјә истинад лазымдыр
