Әһли Бејт -АБНА- хәбәр аҝентлијинин азадлыға истинадән вердији хәбәрә ҝөрә, апрелин 1-дә “Бинә” Тиҹарәт Мәркәзиндә саһибкарларын нөвбәти етираз аксијасы кечирилиб. Һадисә јериндә олан әмәкдашымызын вердији мәлумата әсасән, тәхминән 200 нәфәр саһибкар тиҹарәт мәркәзинин саһиби Кәбирә Мәммәдованын офиси гаршысына топлашыб. Мәммәдова онлардан 4-5 нәфәри нүмајәндә кими гәбул едиб. Амма нүмајәндәләр гәбулдан разы чыхмајыблар. Белә ки, тиҹарәт мәркәзинин саһиби саһибкарлара ирәли сүрдүјү шәртин гүввәдә галдығыны дејиб.
Саһибкарлар билдирир ки, онлардан ајлыг електрик енержиси һаггы олараг һәр електрик лампасы үчүн 3, кондинсионер үчүн исә 40 манат тәләб олунур. Бундан башга, ајлыг иҹарә һаггынын артырырламсы тәләбилә тиҹарәт көшкләринин ишығы ҝүндә бир нечә саат сөндүрүлүр. Бу исә ишә мане олур.
Кәбирә Мәммәдова ҝөрүшдә саһибкарлара дејиб ки, ајлыг иҹарә һаггы олараг әлавә 20 манат өдәмәлидирләр. Әкс һалда индики кими давам едәҹәк.
Саһибкарларын сөзләринә ҝөрә, онларын електрик сајғаҹы тәләбинә Мәммәдова белә ҹаваб вериб ки, онун тиҹарәт мәркәзинә һәр һансы јохлама дахил олмадығы кими, електрик сајғаҹы да дахил олмајаҹаг.
Диггәт: Хәбәрдән истифадә етдикдә мәнбәјә истинад лазымдыр
