Әһли Бејт -АБНА- хәбәр аҝентлијинин вердији хәбәрә әсасән Мартын 30-да Ҝәнҹәнин Кәпәз Рајон Мәһкәмәсиндә ҝәнҹәли диндар Илһам Әләкбәровун барәсиндә сечилмиш һәбс гәтимкан тәбдиринин ев дустаглығы илә әвәз едилмәсинә даир шикајәтә бахылыб.
Вәкил Немәт Кәримлинин вердији мәлумата ҝөрә, һаким Нуру Гулијев шикајәти тәмин етмәјиб.
Немәт Кәримли шикајәтә Илһам Әләкбәровун иштиракы илә бахылдығыны дејиб. О әлавә едиб ки, апрел ајынын 16-да Илһам Әләкбәров һаггында сечилмиш 2 ајлыг һәбс гәтимкан тәдбиринын мүддәти битир.
Илһам Әләкбәров феврал ајында әлијевләр режимиин ҝүҹ стуктурлары тәрәфиндән һеч бир ҹинајәти олмадан һәбс олунуб, онун һаггында мөвҹуд режимин Ҹинајәт Мәҹәлләсинин 221.3-ҹү маддәси илә (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) гондарма ҹинајәт иши галдырылыб. Онун һеч бир дини тәһсили јохдур, диндар аиләдәндир. Азәрбајҹан Ислам Партијасы Ҝәнҹә рајон комитәсинин сәдри Һаҹы Јусиф Әләкбәровун гардашыдыр. Һаҹы Јусиф Әләкбәров да хејли мүддәтдир ки өвҹуд режим тәрәфиндән ахтарышдадыр, онун да барәсиндә гондарма ҹинајәт иши ачылыб.
Вәкил Немәт Кәримли ону да гејд едиб ки, Ҝәнҹә Рајон Прокурорлуғунда ҝәнҹәли диндарларын (Илһам Әләкбәров вә Һөҹҹәтул Ислам Асәф Әлијев) ишини арашдыран Низами рајон полисинин мүстәнтигләри Фүзули Шыхыјев вә Елчин Әзизов һаггында һүгуги арашдырмаја башланыб.
Мартын 1-дә вәкил Ҝәнҹәдәки истинтаг тәҹридханасында сахланан диндарларла ҝөрүшмәк истәјиб, лакин Ҝәнҹә Шәһәр Баш Полис Идарәсинин рәиси буна мане олуб. Проблемин һәлл олунмасы үчүн вәкил Баш Прокурорлугда гәрб бөлҝәси үзрә куратор Ҹәсарәт Әзизовла ҝөрүшүб вә мүстәнтигләрин вәзифә сәлаһијјәтләрини ашмасындан шикајәт едиб.
Немәт Кәримли дејиб ки, мартын 30-да Ҝәнҹә Рајон Прокурорлуғунда изаһат вериб: “Артыг һәр ики мүстәнтиг барәдә һүгуги арашдырма башланыб”.
Иранын Мүгәддәс Гум шәһәринин Елми Һөвзәсиндә Руһаны тәһсили алан ҝәнҹәли Һөҹҹәтул Ислам Асәф Әлијев дә әлијевләр режимин ҝүҹ структурлары тәрәфиндән ејни ҹинајәт маддәси илә ШӘРРЛӘНИЛИР. Вәкил онун барәсиндә дә һәбс гәтимкан тәдбиринин ев дустаглығы илә әвәз едилмәсинә даир мәһкәмәјә мүраҹиәт едиб. Шикајәтә ҝәлән һәфтә бахылаҹаг.
Диггәт: Хәбәрдән истифадә етдикдә мәнбәјә истинад лазымдыр
