Әһли Бејт -АБНА- хәбәр аҝентлијинин вердији хәбәрә әсасән Вашингтон Стратежи вә Бејнәлхалг Арашдырмалар Мәркәзи “Бөјүк Гафгаз: дағылма вә интеграсија арасында” мөвзусунда мәрузә һазырлајыб. Бу ҝениш тәдгигатын мүәллифи МДБ, Русија вә Гафгаз үзрә експерт Ҹефри Манкоффдур. Мәрузәнин рәсми тәгдиматы ҝәлән һәфтә кечириләҹәк.
Бу арада “Туран”ын Вашингтон мүхбири мүәллифлә сөһбәтә мүвәффәг олуб. О гејд едиб ки, енерҝетика вә бору кәмәрләри Гафгазда бејнәлхалг гаршылыглы тәсирин әсас амилләридир.
Лакин бу, “бејнәлхалг иҹтимаијјәтин бу реҝиона олан марағынын јеҝанә сәбәби дејил”, - дејә о әлавә едиб.
Ҹәнуби Гафгазы нәләр гарышдыра биләр?
Совет Ыттифагы дағылдыгдан сонра Бөјүк Гафгазы тәгиб едән сијаси дағыныглыг реҝионал вә глобал тәһлүкәсизлик үчүн ҹидди нәтиҹәләр доғураҹаг јени мүнагишәләрә сәбәб ола биләр.
“Ҹәнуби Гафгазда әрази мүбаһисәләриндән ән тәһлүкәлиси Дағлыг Гарабағдыр. Ермәнистан вә Азәрбајҹан јахшы силаһланыб вә һәр ики тәрәфин нүфузлу шәхсләри мүнагишәнин бәрпасындан нә исә газанаҹагларыны һесаб едирләр. Һазырда Азәрбајҹан Дағлыг Гарабаға гаршы һүҹум әмәлијјатлары һәјата кечирмәјә имкан верәҹәк гәдәр үстүнлүјә малик олмаса да, Азәрбајҹан иҹмалчыларынын чоху гүввәләр арасында балансын дәјишдијини һесаб едир вә Бакы тезликлә Гарабағ үзәриндә нәзарәти һәрби јолла бәрпа етмәк игтидарында олаҹаг.
Азәрбајҹанда сүлалә режими мөвҹуддур
Аналитикин сөзләринә ҝөрә, мөвҹуд режимләрдән биринин вә ја бир нечәсинин уғурсузлуғу вә “әрәб баһары” кими һадисәләр дә реҝионал сабитлији поза биләр. Ҹәнуби Гафгазда мөвҹуд режимләрин леҝитимлији етибарсыздыр, дахили вә хариҹи амилләр реҝионда ҝениш ингилаб далғасына имкан јарадыр.
“Азәрбајҹанын сијаси системи сәрт сүлалә режимидир, әһали исә дәјишикликләр үмиди илә јашајыр ки, бу да һөкумәт әлејһинә етиразлар үчүн әсас ола биләр”, - дејә о гејд едиб.
Аналитик һәмчинин вурғулајыб ки, АБШ-ын Бөјүк Гафгазда сијасәтинин үмуми мәгсәди глобал игтисадијјата интеграсијаја ҝәтириб чыхаран просесләрин тәшвигиндән вә әкс просесләрин мәһдудлашдырылмасындан ибарәт олмалыдыр.
Вашингтонун Гафгаза нисбәтән мәһдуд тәсири олдуғуну нәзәрә алараг, сабитлик вә инкишафда мараглы олан диҝәр дөвләтләрлә бирҝә иш механизмләри зәруридир.
Диггәт: Хәбәрдән истифадә етдикдә мәнбәјә истинад лазымдыр
