Әһли Бејт -АБНА- хәбәр аҝентлијинин вердији хәбәрә әсасән Сәуди Әрәбистанын рәсми мүфтиси олан Әбдүл Әзиз ибн Әбдуллаһ Алишшејх адлы вәһһаби алимҹығазынын сон ҝүнләрдә вердији мәнтигсиз вә Ислама зидд олан фәтвасы һәм Ислам һәм дә гәрб дүнјасында бөјүк наразылыг илә гаршыланмышдыр. Әбдүл Әзиз абыр апаран фәтвасында “Әрәб Јармадасы”нда бүтүн Килсәләрин виран едилмә һөкмүнү вермишдир.
Бу јерсиз фәтва Исламдан анлајышы олмајанларын тәсәввүрүндә Ислам Дининә гаршы мәнфи рәјин формалашмасына сәбәб ола биләр. Вә Христиан - Јәһуди дининин ардыҹылларынын әлләринә нөвбәти бәһанәләри верә биләр. Бу ҹәһәтдән Дүнја Әһли-Бејт (әлејһимус сәлам) Ассамблејасы кәскин бәјанат верәрәк бу “дүшмән дәјирманына су төкән фәтва”ны мәһкум едир.
Дүнја Әһли-Бејт (әлејһимус сәлам) Ассамблејасы бир даһа дүнја иҹтимаијјәтинә билдирир: “Али Сәуд режими вә онун гондарма мүфтиҹикләри Ислам Дининин Нүмајәндәләри Дејилдиләр”
Дүнја Әһли-Бејт (әлејһимус сәлам) Ассамблејасынын бу барәдә вердији Бәјанатын там мәтнинин тәрҹүмәсини сајтымызын зијарәтчиләринә тәгдим едирик:
Бисмиллаһир Рәһманир Рәһим
لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِم
إِنَّ اللَّهَ يُحِبُّ الْمُقسِطِين. (Мумтәһинә сүрәси, Ајә 8)
Артыг ики јүз илдән артыгдыр ки, Ислам Дүшмәнләри тәрәфиндән мејдана ҝәлмиш азғын бир фиргә силаһ ҝүҹү вә бәзи авам мүсәлманларын ҹаһиллијинин көмәклији илә өз мәнфи дүшүнҹә вә хүлјаларыны Ислам Шәриәти ады илә дүнја иҹтимаијјәтинә тәгдим едир. “Вәһһаби, Тәкфирчи, Сәләфи, Әһли-Сүннә вәл Ҹәмаә” адлары илә танынан бу азғын фиргәнин ардыҹыллары илләр боју Ислама зидд фәтвалар вермәклә дүнјанын бир чох мәнтәгәләриндә милјонларла инсанларын гәтлинә, мүгәддәс мәканларын виран олмасына, Ислам Дининдән бир чохларынын безикмәләринә ҝәтириб чыхартмышдыр.
Дедикләримизә нүмунә олараг, бу јахынларда бу азғын фиргәнин алимҹығазларындан олан Әбдүл Әзиз Алишшејх адлы бирисинин вердији анти-Ислам фәтвасын мисал чәкмәк мүмкүндүр. О, вердији мәнфур фәтвасында Христиан Дининин ардыҹылларынын ибадәтҝаһларынын сөкүлмәсинин һөкмүнү ваҹиб билмишдир.
Биз Дүнја Әһли-Бејт (әлејһимус сәлам) Ассамблејасы Бејнәлхалг бир Тәшкилат олараг, мүхтәлиф өлкәләрдән јүзләрлә мүсәлман елми вә мәдәни елитасыны өзүндә ҹәмләшдирән, милјонларла диндарларын Мәдәни-Маариф мәркәзи сајылараг ашағыда гејд етдијимиз мәсәләләрә дүнја бирлијинин диггәтин ҹәлб едирик:
1 – Илк олараг билмәк лазымдыр ки, вәһһаби мүфтиҹикләри Исамын нүмајәндәси дејилдир. Сәуди Әрәбистанда да тәблиғ олунан “дин” Һәгиги Ислам Дини дејилдир. Али Сәуд кечән әсрин әввәләриндә өзләринин силаһлы јүрүшләри вә дүнја истикбарчыларынын көмәклији илә Әрәбистанын Һиҹаз мәнтәгәсиндә зор ҝүҹүлә һакимијјәт башына ҝәлмишдир. Елә һәмин замандан бәри бу истикбарчы режим “Мүгәддәс Вәһј Торпаглары” олан “Мәккә вә Мәдинә”јә саһиб чыхараг гејри-Ислами мариф вә мәдәнијјәти Ислам дини адына дүнја халгларына танытдырмышдыр.
2 – Килсәләрин дағыдылмасы барәсиндә верилән фәтва тамамилә Аллаһ Тәаланын ҝөндәрдији ганунларын, Ислам Пејғәнбәринин (сәлләллаһу әлејһи вә алиһ) вә онун Әһли-Бејтинин (әлејһимус сәлам) сүннәтинин әксдир. Буна ҝөрә дә бу фәтвадан тәкҹә шиәләр дејил сүнниләр дә нараһатдыр. Ислам тарихи әзиз Ислам Пејғәнбәримизин Мәккә вә Мәдинә шәһәрләриндә “Китаб Әһли” (Христиан вә Јәһуди динин ардыҹыллары) илә сүлһ вә әманлыг ичиндә јашамасына ҝәтирә биләҹәк бариз нүмунәләр илә долудур. Биз Ислам Хилафәтинин кечмишинә нәзәр салсаг ҝөрүрүк ки, нә Ислам Пејғәнбәри, нә онун пак Әһли-Бејти, нә Дөрд Хәлифә вә нә дә ки, онлардан сонра ҝәлән һакимләрин һеч бири белә бир фәтва вермәмиш вә Илаһи динләрин ардыҹылларын өз динләринә итаәт етмәдә гадағалар гојмамышлар.
3 – Сәһабә вә Табиинләрдән әлавә 1400 ил әрзиндә һеч бир Ислам Алими истәр Шиә истәрсә дә сүнни ола белә бир фәтва вермәмишдир. Демәли бу вәһһаби алимҹығаз елә бир фәтва вермишдир ки, Ислам Мәркәзләри сајылан Мәккә, Мәдинә, Куфә, Бәсрә, Нишапур, Шаматын фигһи мәнбәләринин һеч бириндә мөвҹуд дејилдир. Еләҹә дә Ислам Дүнјасынын мәшһур Елм Оҹаглары сајылан әл-Әзһәр, Низамијјә, Мустәнсәријјә, Зәјтунијјә, Нәҹәфи Әшрәф, Гум, Исфаһан вә.с јерләрин һеч бириндә бу фәтванын мәнбәјин тапмаг олмаз.
4 – Даим диҝәр өлкәләри Сәуди Әрәбистанын дахили ишләриндә мүдахилә етмәкдә тәгсирли билән алимҹығаз бу сәфәр өз фәтвасы илә бүтүн Әрәб Јарымадасындакы өлкәләрин дахили ишинә мүдахилә едәрәк бу өлкәләрдәки Килсәләрин виран едилмәсини ваҹиб сајмышдыр.
5 – Әсас диггәт едиләси мәсәлә одур ки, вәһһабиләрин мүгәддәс мәканлары виран етмәси тәкҹә Китаб Әһлинә аид дејилдир. Али Сәудун вәһһаби режими бу гурлушун илк илләриндә Пејғәнбәрин Аиләсинин (әлејһимус сәлам), онун гадынларынын, сәһабәләринин мәзарларыны виран едәрәк Ислам Дининә тәһгирләр етмишләр. 2005-ҹи илдә Ирагын Самирра шәһәриндә Он вә Он биринҹи Имамларын пак мәргәдләринин јерләшдији “Әскәријејн Һәрәми”ни партладмышлар. Бу јахынларда да Брүкселдә јерләшән Имам Рыза (әлејһис сәлам) адына Мәсҹиди јандырараг Мәсдинин Имам Ҹаматыны Шәһид етмишләр.
6 – Әсас едиләси суаллардан биридә будур: “Нијә Ислам Алимләри бу надир фәтванын гаршысында сусурлар? Ҝөрәсән Мисирдә, Ирагда, Тунисдә, Суријада, Ливанда, Јәмәндә, Африка гитәсиндә вә дүнјанын диҝәр бөлҝәләриндә јашајан Алимләр Исламы Нәзәрдән салан фәтваја нә заман етиразларын билдирәҹәкләр. Шүбһәсиз алимләрдән һәр ким бу фәтваја өз етиразын билдирмәзсә Аллаһ (әззә вә ҹәлл) вә Пејғәнбәр (сәлләллаһу әлејһи вә алиһ) гаршысында мәсулдур. Она ҝөрә ки, Ислам Пејғәнбәри (сәлләллаһу әлејһи вә алиһ) әмәлсиз алим барәсиндә белә бујурмушдур: “Мәним үммәтим дахилиндә бидәт пејда оларса Алимләр мүтләг өз елимләрин ашкар етмәлидир (вә бидәтә гаршы чыхмалыдыр). Һәр ким елмини ашкар етмәзсә Аллаһын Ләнәти она олсун!”
7 – Бизим Дүнја Иҹтимаијјәтләри, Инсан Һагглары Тәшкилатлары, Гәрб вә христиан өлкәләринә дејиләси сөзләримиз: “Әҝәр сизләр Пакистан, Әфганыстан, Ираг вә Иранда мүсәлманлары террор едәрәк гәтлә јетирән вәһһабиләрдән һимајәдарлыг етмәсәјдиниз бу ҝүн өзүнүз бу бәлаја дүчар олмаздыныз! Әрәбистан, Бәһрејн вә Пакистанда шиәләрин мүгәддәс мәканлары вәһһабиләр тәрәфиндән дағыдылан заман сиз етриаз едәрәк фәрјад чәксәјдиниз бу ҝүн нөвбә сизин килсәләринизә чатмазды!
Бир даһа сизә билдиририк: Әҝәр Истимарчы сијасәтләринизи јүрүтмәк наминә гејри Ислами фиргәси олан вәһһабиләрдән јенә һимајә етсәниз вә онларын гаршысыны алмасаныз, өз евләриниздә дә әмин-әманлыгла отура билмәјәҹәксиниз. Чүн ки, өзләрини ујдурма Ислам Тәблиғатчылары кими гәләмә верәнләр сизи вә өвладларынызы Ираг вә Пакистандакы мүсәлманлары кими гырараг ганыза бәләшдирәҹәкләр.
8 – Сонда бир даһа тәкид едири ки, Ислам Дини сүлһ вә әмин-әманлыг Динидир. Гурани Кәрим ашкар бу барәдә Бәгәрә Сүрәсинин 256-ҹы ајәсиндә бујурур: “Исламы Гәбул етмәкдә һеч бир зорлуг јохдур!” Гурани Кәримин һәгиги тәфсир едәнләри сајылан пејғәнбәримиз, онун пак Әһли-Бејти вә онлардан итаәт едән Дин Алимләри һәр заман Мәдәнијјәтләр арасында данышыглар апаран сималар олмуш вә даим Китаб Әһлинә хитаб едәрәк белә демишләр: “Еј Китаб Әһли биз илә сизин араныза мүштәрәк кәлимә олан ‘Аллаһдан савајы кимәсә ибадәт етмәјәк вә он
