Әһли Бејт -АБНА- хәбәр аҝентлијинин вердији хәбәрә әсасән Вашингтон Пост гәзети дүнәнки нәшријјәсиндә чох әһәмијјәтли бир хәбәр нәшр едиб. Хәбәрдә бөјүк шејтан адланан АБШ рәһбәрлијинин өнүмүздәки ҝүнләрдә Сеулда баш тутаҹаг нүвә тәһлүкәсизлик зирвәсиндә Түркијәјә 'әлиндәки јүксәк сәвијјәдә зәнҝинләшдирилмиш уранјумдан имтина етдији' үчүн тәшәккүр едиләҹәји билдирилирди.
Вашингтон Постун хәбәриндә дејилир: “Түркијә” Румынија, Либја, Чили вә Сербистанла бирликдә 30 атом бомбасы јарада биләҹәк мигдардакы јүксәк дәрәҹәдә зәнҝинләшдирилмиш уранјуму АБШ-а тәслим етди. Бунун мүгабилиндә дә тәдгигатларда истифадә етмәк үчүн даһа аз сәвијјәдә зәнҝинләшдирилмиш уранјум алды.
Өнҹәдән даһа 7 өлкә уранијуму АБШ-а тәслим етмишди
Гејд олунан 5 өлкәдән даһа өнҹә Јунаныстан, Бразилија, Болгарыстан, Португалија, Словенја, Испанија, Исвеч әлә ҝәтирдикләри уранијуму АБШ-а тәслим етмишди. Түркијәдә бир нүвә стансија олмамасына бахмајараг Күчүкчекмеҹе Нүвә Арашдырмалар Мәркәзиндә вә ИТИ лаборатварларында да тибб саһәсинә даир нүвә фәалијјәти иҹра едилир.
Артыг Түркијәнин әлиндә уран зәнҝинләшдирмә програмы јохдур
Һаҹеттепе Университети Нүвә Енержи Мүһәндиси Һиссә Башчысы Профессор, Доктор Окан Забуноғлу " Түркијәдә 9 мин 100 тон уран еһтијаты олдуғуну тәхмин едирик. Бунлар Салеһли, Ҝура, Һејваҹыг, Ҝиресун, Сорғун әразиләриндә ашкарланмышдыр. Түркијәдә уран зәнҝинләшдирмә технолоҝијасы һаггда данышмаға дәјмәз. Бу мөвзуда һеч бир фәалијјәт вә сәјимиз дә јохдур. Тәбии ки, олмамасы да лазымдыр." дејә сөјләмишдир.
Забуноғлу мүсаһибәсинә давам едәрәк "Уран зәнҝинләшдирмә сәјләри әслиндә Түркијәнин имзаладығы бејнәлхалг разылашмалара зидддир вә бејнәлхалг етибарымызы зәдәләјир..." дедијини билдирди.
Диггәт: Хәбәрдән истифадә етдикдә мәнбәјә истинад лазымдыр
