Әһли Бејт -АБНА- хәбәр аҝентлијинин вердији хәбәрә әсасән 7 ајдан артыг әлијевләр Тәһлүкәсизлик Назирлијинин тәҹридханасында сахланылан Исламазери.аз Интернет гәзетинин баш редактору Рамин Бајрамов нәһајәт мәһкәмәнин она һөкм чыхармасындан сонра Күрдәханыда јерләшән һәбсханаја көчүрүлдү.
Вәкил Рамил Мәммәдов апелјјасија шикајәтинин верилмәси һаггда һәлә гәти бир гәрара ҝәлмәдикләрини билдириб.
Хатырладаг ки, март ајынын 7-дә Абшерон Рајон Мәһкәмәсиндә баш редактора һөкм охунуб. Әввәлҹә режим иттиһамчысы Һаҹы Рамин Бајрамова 5 ил мүддәтинә азадлыгдан мәһруметмә ҹәзасы истәјиб. Амма Рамин Бајрамовун вәкили Рамил Мәммәдов буну рәдд едәрәк ҹәзаны шәрти характерли верилмәсини мәһкәмәдән тәләб едиб.
Бундан сонра мәһкәмәдә фасилә елан олунуб. Фасиләдән сонра һаким Шәмсәддин Аббасов баш редактора 1 ил 6 ај һәбс ҹәзасы тәјин едиб.
Рамин Бајрамов өтән илин август ајында әлијевләр режимин ҝүҹ структурлары тәрәфиндән зоракылыға мәруз галараг азадлыгдан мәһрум едилиб. О, јалан иттиһамларла Ҹинајәт Мәҹәлләсинин 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә ШӘРЛӘНМИШДИР.
Диггәт: Хәбәрдән истифадә етдикдә мәнбәјә истинад лазымдыр
