Әһли Бејт -АБНА- хәбәр аҝентлијинин вердији хәбәрә әсасән Вәлијји-Фәгиһ һәзрәтләринин нүмајәндәси, Әрдәбилин Имам Ҹүмәси Ајәтуллаһ Сејјид Һәсән Амили бујурду: "Азәрбајҹан әһалиси өлкәдә баһалыг олдуғундан еһтијаҹлары олдуғу вәсаити алмаг үчүн бизим Астара вә Биләсувар шәһәрләринә ҝәлирләр. Бизим вәзифәмиз онлара Али-Мүһәммәд (әлејһимус салам) јетимләри ҝөзү илә бахмаг вә лајигли шәкилдә онлары гаршыламагдыр".
Һәзрәт Ајәтуллаһ Амили сөзүнүн давамында деди: "Шиәләр гардаш, гәмхар вә һәмдил кими ҝәрәк белә ҝүнләрдә бир-бирләринин фәрјадларына јетишсинләр. Чүнки гоҹа киши вә гадын да Иран Ислам Республикасында өз еһтијаҹлары олдуғу вәсаити алмаг үчүн сыраја дајанырлар. Онларын һөрмәтини сахламаг бизә ваҹиб вә зәруридир".
Сејјид Һәсән Амили "Онлар етираф едирләр ки, елә бир өлкәдә јашајырлар ки, өлкәнин әлван сәрвәтләр илә зәнҝин олмасына бахмајараг, мүәјјән мафијалар Азәрбајҹан Республикасыны аҹынаҹаглы вәзијјәтә салыбдыр. Она ҝөрә дә өлкәдә варлы вә ашағы синифләр арасында бөјүк вә дәрин учурум јараныб”- дејә сөзүнә давам етди.
Ајәтуллаһ Амили сөзүнүн давамында деди: "Белә вәзијјәти Нахчыван-Ҹулфа сәрһәддиндә дә мүшаһидә едирик. Азәрбајҹан Республикасынын башчыларынын ләјагәтсизлији үзүндән бу ҝүн өлкә халгы сәрҝәрдан галыб вә һалал рузи ардынҹа о гапыны, бу гапыны дөјүрләр".
Вәлијји- Фәгиһин Нүмајәндәси әлијевләр режиминин анти-Милләт сиасәтләринә ишарә едәрәк бујурду: "Азәрбајҹан Республикасы коррупсијаја ҝөрә дүнјада биринҹи јердә дурур вә өлкәнин ҝәлирини әдаләтлә бөлмәк әвәзинә онун бөјүк һиссәси башчыларын сарајларына ахыр".
Әрдәбилин Имам Ҹүмәси хүтбәнин сонунда вурғулады: "Белә бир вәзијјәт гәбуледилмәздир вә мүтләг халгын наразылығына вә үсјанына сәбәб олаҹаг".
Диггәт: Хәбәрдән истифадә етдикдә мәнбәјә истинад лазымдыр
