Әһли Бејт -АБНА- хәбәр аҝентлијинин вердији хәбәрә әсасән Һәбсдә олан Милли-Мәнәви Дәјәрләр Иҹтимаи Бирлијинин сәдри Һаҹы Меһди Мәммәдов һаггында јени мәлумат әлдә олунуб
Һаҹы Меһди Мәммәдовун вәкили Заман Сәмәдов билдириб ки, Һаҹы Меһди Мәммәдов сахланылдыгдан сонра 48 саат әрзиндә тәзјигләрә мәруз галыб.
Вәкил дејиб: "Онун јеринин билинмәмәси вә мәнимлә ҝөрүшдүрүлмәмәсинин сәбәбидә бу олуб. Белә ки, һәбс олунандан сонра 48 саат тәшкилат сәдри һаггында һеч бир мәлумат әлдә едә билмәмишдик. Һаҹы Меһди Мәммәдова әввәлҹә наркотик иттиһамыны гәбул етмәк тәклиф едилиб. Лакин Меһди бәј төрәтмәдији бир ҹинајәти өз үзәринә ҝөтүрмәкдән имтина едиб. Бундан сонра исә Һаҹы Меһдијә гаршы тәзјигләр башлајыб. Меһди Мәммәдов дејир ки, һәтта иш о јерә чатыб ки, она ишҝәнҹә тәтбиг едилиб. Әлләри бағланараг бәдәнинин мүхтәлиф наһијәләриндән зәрбәләр ендирилиб. Ишҝәнҹәләрдән бири дә бу олуб ки, иттиһамы бојнуна ҝөтүрмәси үчүн 48 саат әрзиндә јемәк вә су верилмәјиб. Ишғәнҹә факты илә бағлы сәлаһијјәтли гурумлара, о ҹүмләдән Експертиза идарәсинә мүраҹиәт едәҹәјик".
Гејд едәк ки, "Милли-Мәнәви Дәјәрләр" Иҹтимаи Бирлијинин сәдри Меһди Мәммәдов феврал ајынын 18- полис бөлмәсинә чағырылмыш, бөлмәдән чыхаркән Милли Тәһлүкәсизлик Назирлијинин әмәкдашлары тәрәфиндән тутулмушдур. Бинәгәди Рајон Мәһкәмәси, истинтаг мүддәтинә Меһди Мәммәдова 2 ајлыг азадлыгдан мәһрум етмә һөкмү чыхармышдыр.
Диггәт: Хәбәрдән истифадә етдикдә мәнбәјә истинад лазымдыр
