Әһли Бејт -АБНА- хәбәр аҝентлијинин вердији хәбәрә әсасән Һизбуллаһ Баш Катиби Сејид Һәсән Насраллаһ, Һәмасын Сијаси Бүро Башчы Көмәкчиси Муса Әбу Мәрзуг башчылығы алтында олан Һәмас һејәтијлә бөлҝә вә бејнәлхалг аләмдә баш верән сон һадисәләр барәсиндә топланты кечиртди.
Ливанда нәшр олунан Сәфир Гәзетинин хәбәринә ҝөрә ҝөрүшмәдә “Ихванул Мүслимин”ин Иран Ислам Республикасы вә Һизбуллаһла олан әлагәләриндән, Сурија, Гәззә вә Әрәб дүнјасында баш верән сон һадисәләрлә бағлы мүзакирәләр олуб.
Гәзетин истинад етдији мәнбәләрә ҝөрә Һизбуллаһ вә Һәмас Ислами һәрәкәтләрин инкишафына манеә төрәдән гәрбин давамлы сәјләринә гаршы мүбаризә апармаг, Суријада јашанан проблемләрин һәлли үчүн ортаг бир пројект чәрчивәсиндә һәрәкәт етмәләри гәрара алыныб.
Хәбәрин давамында дејилир: "Һәмас вә Һизбуллаһ, Суријадакы бөһранын сүлһ јолу илә чөзүләмәјәҹәји, сијаси ислаһатларын һәјата кечирилмәсиндән әлавә башга бир планын олмадығы тәгдирдә Суријадакы бөһранын Иран илә Чин тәрәфиндән дә дәстәкләнилән Русијанын һазырладығы програм әсасында һәлл ола биләҹәји һаггда ортаг гәрара ҝәлиб."
Ҝөрүшдә, сијаси һәллин тәтбиг олунмасы үчүн сүкунәтин тәмин едилмәсинин зәрури олдуғу вурғуланаркән Сејјид Һәсән Нәсруллаһ, Һәмас һејәтинә дејиб: "Сурија лидерлији, реал һәлләр тәгдим етмәк, сијаси һәллә һазыр олан вә хариҹдән малиләшмәјән милли мәнафени горујан мүхалифәтлә разылашмаја һазырдыр. Ливандакы Таиф Анлашмасында олдуғу кими сијаси бир мүгавиләнин тәмин едилмәси үчүн чалышмаг лазымдыр."
Диггәт: Хәбәрдән истифадә етдикдә мәнбәјә истинад лазымдыр
