Әһли Бејт -АБНА- хәбәр аҝентлији- Артыг бир нечә мүддәтдир ки, Азәрбајҹанда кечирилмәси нәзәрдә тутулан Еуоровисон маһны мүсабигәсинин бојкот едилмәси илә бағлы бејнәлхалг тәшкилатлар, танынмыш сималар вә нүфузлу дүнја медиалары тәрәфиндән чағырышлар едилир. Тәбии ки, бу чағырышлар өлкәдә баш верән ганунсузлуглар, инсан вә мүлкијјәт һагларынын ҹидди шәкилдә позулмасы, хүсусилә демократик дәјәрләрин тапдаланмасы илә әлагәдардыр.
Мөвзу илә бағлы мүсаһибимиз “Шәрг-Гәрб” Арашдырмалар мәркәзинин рәһбәри Әрәстун Оруҹлудур. Суалларымыза ајдынлыг ҝәтирән политолог мараглы нүанслара тохунуб.
- Әрәстун бәј, сизҹә бу чағырышлара ујғун олараг Еуровисон маһны мүсабигәсинин Азәрбајҹанда кечирилмәмәси, јәни бојкоту мүмкүндүрмү?
- Тәбии ки, әҝәр јахын заманларда Азәрбајҹанда һансыса ҹидди инсан һагларынын, сөз вә мәтбуат азадлыгларынын, ејни һалда мүлкијјәт һүгугларынын позулмасы илә бағлы просесләр баш верәрсә, Еуровисонун бојкот едилмәси тамамилә мүмкүндүр. Чох тәәссүф ки, Азәрбајҹан һакимијјәти сөзүҝедән мусиги јарышмасы илә бағлы мүмкүн олан бејнәлхалг стандартлары корректә етмәјә ҹәһд ҝөстәрир. Мисал үчүн рәсми Бакы өлкәјә ҝәләҹәк журналистләрин виза алмасыны бүрократик әнҝәлләрлә гаршысыны алыр. Белә ки, репартјорлар бир чох пропсесдурлардан кечмәк мәҹбуријјәтиндә галыр. Бу да илк нөвбәдә Гәрбдәки медиа нүмајәндәләриндә чох ҹидди вә негатив реаксија доғурур. Тәбии вә баша дүшүлән һалдыр. Билдијимиз кими, медианын демократик өлкәләрдә вә ҹәмијјәтләрдә кифајәт гәдәр ҹидди тәсирләри вар. Артыг Алманијада биз бунун тәзаһүрләрини ҝөрдүк. Бу просес ҝүҹләнәрсә, һесаб едирәм ки, Еуровисион маһны мүсабигәси бојкот едиләҹәк.
- Әҝәр бу баш верәрсә, Азәрбајҹан һакимијјәтинин өз вәтәндашларына, хүсусилә мүхалифәт дүшәрҝәсинә гаршы мөвгеји неҹә олаҹаг?
- Шүбһәсиз ки, һакимијјәтин мүхалифәтә гаршы һәјата кечирдији репрессијалар артаҹаг. Һәтта истисна етмирәм ки, Еуровисон кечирилдикдән сонра да репрессијалар чохалаҹаг. Артыг бу ҝүндән онун әламәтләри ҝөрүнүр. Лакин бу тәзјигләр нәтиҹә етибары илә әкс еффект доғураҹаг. Индијә гәдәр Азәрбајҹан һакимијјәтинин уғурунун (һакимијјәтдә галмағы нәзәрдә тутурам) сәбәби бу олуб ки, өлкәдәки демократик иҹтимаијјәт, вәтәндаш ҹәмијјәти вә медиа бејнәлхалг дәстәјә малик олмајыб. Чүнки бејнәлхалг ҝүҹләр чох спекулјатив бир јанашма нүмајиш етдирирләр. Онлар һесаб едирдиләр ки, әҝәр һакимијјәтлә бүтүн проблемләри һәлл едә билириксә, нә мүхалифәтә еһтијаҹ вар, нә дә ки, башга гурумлара. Тәхминән Мисирдә, Тунисдә вә диҝәр әрәб өлкәләриндә олан мүнасибәти Азәрбајҹана гаршы сәрҝиләјирдиләр. Лакин әкс просес баш верәрсә, өлкәдәки сијаси мүхалифәт, медиа вә вәтәндаш ҹәмијјәти чох гыса бир мүддәтдә өлкәнин дахилиндә ҹидди сосиал дајағы олмајан һакимијјәт үчүн ҹидди проблемләр јарадаҹаг.
Хәјал Шүкүр
Диггәт: Хәбәрдән истифадә етдикдә мәнбәјә истинад лазымдыр
